Mr Mark Milton
Ymunodd Mark Milton â Heddlu De Cymru a Heddlu Gwent fel Cyfarwyddwr Adnoddau Dynol ym mis Ionawr 2011.
Cyn hynny roedd gan Mark swydd debyg fel Cyfarwyddwr Adnoddau yn Heddlu Wiltshire er pum mlynedd.
Mae’r rhan fwyaf o yrfa Mark wedi ymwneud ag Adnoddau Dynol; mae wedi rheoli prosiectau AD mewn lleoliadau ledled y DU ac Ewrop. Mae ganddo gefndir proffesiynol mewn gwasanaethau ariannol, yn benodol gyda chwmnïau yswiriant a buddsoddi. Mae ganddo lawer o brofiad hefyd o ran rheoli newid sefydliadol ar raddfa fawr.
Mae ei swydd gyda Heddluoedd De Cymru a Gwent yn rhoi cyfrifoldeb i Mark dros 8,000 aelod o staff.
Ynghylch ei benodiad, dywedodd Mark:
“Rwy’n hynod falch i fod yn ymuno â Heddluoedd De Cymru a Gwent.
“Mae’n amser heriol i’r ddau Heddlu. Fy rôl i fydd cefnogi’r cyhoedd drwy ganolbwyntio ar ein hadnodd mwyaf gwerthfawr oll - ein swyddogion heddlu, staff yr heddlu a gwirfoddolwyr yr heddlu.
“Rwyf wedi ymrwymo i wneud gwahaniaeth cadarnhaol drwy ddefnyddio fy mhrofiad o ran rheoli prosesau newid.
“Mae cefnogi, rheoli a datblygu ein gweithwyr yn hanfodol i lwyddiant ein cynlluniau, ac er mwyn cynnal gwasanaeth o safon a diogelu cymunedau De Cymru.”
Mae Mr Milton yn gyfrifol am:
- Adnoddau Dynol
- Datblygu Dysgu
- Uned Amrywiaeth