Os ydych wedi’ch collfarnu am drosedd yn ddiweddar, efallai nad ydych yn gwybod beth fydd yn digwydd nesaf.
Mae adran hon y wefan yn darparu gwybodaeth ddefnyddiol ar beth y gallwch ei ddisgwyl o’r broses ddedfrydu, yn ogystal â’r gwahanol fathau o ddedfrydau sy’n cael eu gorfodi gan y System Cyfiawnder Troseddol heddiw.
Wrth benderfynu ar ddedfryd addas, bydd y llys yn ystyried diogelwch y cyhoedd, yn ogystal â’r math o drosedd a gyflawnwyd, difrifoldeb y mater, ac amgylchiadau’r digwyddiad.
Cofiwch, nid dyma ddiwedd y daith. Mae cymorth ar gael i’ch cynorthwyo yn ôl i mewn i addysg, hyfforddiant neu waith.
Mae’r Gymdeithas Genedlaethol ar gyfer Gofal ac Ailsefydlu Troseddwyr, NACRO, yn cynnig atebion ymarferol i gynorthwyo cyn-droseddwyr i adeiladu gwell dyfodol. Gallant eich helpu i chwilio am rywle i fyw, eich helpu i ddelio gyda phroblemau cyffuriau neu alcohol, a’ch cefnogi o ran mynd yn ôl i weithio.
I gymryd rhan, ffoniwch NACRO Cymru ar 01792 468400. Neu, ewch i’r wefan www.nacro.org.uk