Croeso i adran recriwtio gwefan Heddlu De Cymru, lle cewch edrych ar y swyddi gwag cyfredol a gweld gwybodaeth am y nifer o rolau gwahanol sydd ar gael o fewn y sefydliad.
Mae dros 5,000 o bobl eisoes yn gweithio i Heddlu De Cymru, ac rydym wastad yn chwilio am wirfoddolwyr i ymuno â’n gwasanaethau.
Yn anffodus, nid ydym yn recriwtio am Swyddogion Heddlu, Trosglwyddeion Swyddogion Heddlu, Swyddogion Cymorth Cymunedol yr Heddlu, Gwirfoddolwyr yr Heddlu na Staff yr Heddlu ar hyn o bryd.
Datganiad Cydraddoldeb ac Amrywiaeth
Mae Heddlu De Cymru wedi ymrwymo i egwyddorion cydraddoldeb, amrywiaeth a hawliau dynol. Ein gweledigaeth yw bod y gorau o ran deall anghenion ein cymunedau ac ymateb iddynt, gan ddefnyddio sgiliau a gallu ein staff. Rydym yn cydnabod ac yn gwerthfawrogi gwahaniaethau unigryw unigolion, sydd wedi’n cynorthwyo i ddatblygu ein dealltwriaeth o’r bobl o fewn Heddlu De Cymru a’r cymunedau yr ydym yn eu gwasanaethu.
Mae’n dda gennym eich hysbysu bod Heddlu De Cymru’n ymrwymedig i hybu Cydraddoldeb ac Amrywiaeth. Mae gennym Swyddog Gweithredu Cadarnhaol, sy’n gweithio yn yr Uned Cydraddoldeb ac Amrywiaeth ym Mhencadlys ein Heddlu ym Mhen-y-bont ar Ogwr ac y mae ei rôl allweddol yn ymwneud â chynorthwyo ein holl grwpiau lleiafrifol i gwblhau eu ffurflenni cais yn ogystal â darparu digwyddiadau ymgyfarwyddo i gynorthwyo darpar ymgeiswyr i ddeall natur ein gwaith. Rydym yn annog ymgeiswyr o grwpiau lleiafrifol amrywiol yn arbennig i ymgeisio am swyddi gyda Heddlu De Cymru. I gael mwy o wybodaeth am y cymorth y gall ein swyddog ei roi i chi, cysylltwch â’r swyddog yn yr Uned Cydraddoldeb ac Amrywiaeth ym Mhencadlys yr Heddlu ym Mhen-y-bont ar Ogwr ar 01656 655555 est 70891 neu ar y rhif ffôn symudol 0781 4861903 i gael cymorth pellach.
Mae hyder ein cymunedau yn y gwasanaeth a ddarparwn yn flaenoriaeth allweddol i ni.
Ein nod yw parhau i ddatblygu Heddlu De Cymru yn sefydliad sy’n cynrychioli ac yn adlewyrchu’r cymunedau y mae’n eu gwasanaethu, drwy sicrhau bod ein strwythurau sefydliadol, prosesau gwneud penderfyniadau a’n ffyrdd o weithio yn croesawu ac yn dathlu gwahaniaethau ac amrywiaeth diwylliannol.
Ar bob adeg, byddwn yn trin unigolion o fewn Heddlu De Cymru a thu allan iddo mewn modd agored a theg, gydag urddas a pharch. Byddwn yn darparu amgylchedd gwaith heb unrhyw aflonyddu, bwlian, erledigaeth na gwahaniaethu anghyfreithlon gan sicrhau cyfle cyfartal o fewn ein holl prosesau ac arferion.
Mae disgwyl i holl aelodau staff, contractwyr a chyflenwyr ddangos ymrwymiad cadarn at yr egwyddorion a’r safonau hyn ac fe’u hanogir i herio unrhyw ymddygiad annerbyniol. Rydym yn cefnogi pob maes amrywiaeth, sef; oedran, anabledd, ailbennu rhywedd, priodas a phartneriaethau sifil, beichiogrwydd a mamolaeth, hil, crefydd a chred, rhyw, cyfeiriadedd rhywiol a’r Iaith Gymraeg.
Byddwn yn sicrhau bod ein holl bolisïau a gweithdrefnau yn adlewyrchu’r egwyddorion hyn. Wrth wneud hyn, byddwn yn parhau i ddarparu gwasanaeth proffesiynol sy’n bodloni holl anghenion ein cymunedau ac yn rhoi profiad cadarnhaol i’r cyhoedd y gall Heddlu De Cymru ymfalchïo ynddo.
Prif Gwnstabl Peter Vaughan