Diwrnod Hwyl i'r Teulu Heddlu De Cymru 2024 - Ymunwch â ni!

 

Mae'r amser bron wedi cyrraedd... bydd Diwrnod Hwyl i'r Teulu Heddlu De Cymru 2024 yn cael ei gynnal ddydd Sadwrn 29 Mehefin yn y Pencadlys ym Mhen-y-bont ar Ogwr!

Mae'r digwyddiad hwn yn gyfle gwych i chi ddarganfod beth rydym yn ei wneud fel gwasanaeth, o gymryd olion bysedd i arddangosiadau arfau tanio.

 

Beth yw bwriad y Diwrnod Hwyl i'r Teulu?

Fel y llynedd, bydd atyniadau, gweithgareddau ac arddangosiadau at ddant pawb:

• Cwrdd â'n cŵn llesiant a gwylio arddangosiadau cŵn yr heddlu
• Cyfle i weld ein cyfarpar gweithredol diweddaraf gan gynnwys ein ceir a'n beiciau
• Edrych ar ein cyfarpar gweithredol diweddaraf, gan gynnwys ein ceir a'n beiciau
• Cyfle i blant wisgo lifrai a chyfarfod ein masgot Billy Blue
• Teithiau tywys o amgylch y Ganolfan Treftadaeth (*bydd angen archebu lle - gweler isod)
• Gwylio arddangosiadau byw gan ein Huned Arfau Tanio ar y Cyd
• Arddangosiadau technoleg gan gynnwys System Adnabod Wynebau
• Bydd stondinau wedi eu trefnu gan ein rhwydweithiau, asiantaethau partner ac adrannau amrywiol

...a llu o bethau eraill!

 

Oes gennych chi ddiddordeb mewn gyrfa gyda'r heddlu? Bydd ein tîm recriwtio wrth law i drafod ein cyfleoedd diweddaraf.

 

Beth yw'r gost mynediad?

Mae hwn yn ddigwyddiad AM DDIM, gan roi cyfle i chi gyfarfod ein swyddogion a'n staff a dysgu am yr hyn rydym yn ei wneud. Does dim angen i chi ddod ag unrhyw fath o ID. Noder mai'r amser mynediad olaf yw 3:30pm.

 

Archebu lle yn y Ganolfan Dreftadaeth

❗ DIWEDDARIAD ❗ @ Mehefin 3 2024: Mae ein teithiau Canolfan Dreftadaeth nawr yn llawn.
Fodd bynnag, mae modd archebu lle ar gyfer gwyliau'r haf. I holi ac archebu, cysylltwch â [email protected].

 

Peidiwch â cholli'r cyfle i ymweld â'r Ganolfan Dreftadaeth ar ddiwrnod agored yr heddlu. Mae llefydd ar gael ar sail y cyntaf i'r felin am 10:30 – 11:00, 11:30 – 12:00, 13:00 – 13:30, 14:00 – 14:30, 15:00 – 15:30. Bydd pob ymweliad yn para tua 30 munud. Trefnwch eich ymweliad heddiw drwy e-bostio: [email protected].

Os caiff yr holl lefydd eu llenwi, byddwn yn ceisio cynnig lle i'r rhai a gollodd allan ar ddyddiad arall.

 

Cyrraedd

Cyfeiriad: Pencadlys Heddlu De Cymru, Heol y Bont-faen, Llangrallo Isaf CF31 3SU

Car: Defnyddiwch Gyffyrdd 35-37 yr M4, a dilynwch arwyddion Pen-y-bont ar Ogwr.

Bws: Mae'r arhosfan bws yn y Pencadlys yn cael ei wasanaethu gan wasanaethau Cymru Clipper X2.

Trên: Rydym tua 20 munud ar droed o orsaf rheilffordd Pen-y-bont ar Ogwr.

 

Parcio