Gwrandawiad Camymddwyn Carlam PC 5458 Nathan Griffiths

Bydd Heddlu De Cymru yn cynnal Gwrandawiad Camymddwyn Carlam a fydd yn dechrau am 18:00 ddydd Mawrth 10 Tachwedd 2026 ym Mhencadlys yr Heddlu, Pen-y-bont ar Ogwr. Bydd y gwrandawiad yn cael ei gadeirio gan y Prif Gwnstabl Jeremy Vaughan.

Y swyddog a fydd yn destun y gwrandawiad hwn yw Cwnstabl yr Heddlu 5458 Nathan Griffiths, sydd wedi'i gyhuddo o dorri'r safonau ymddygiad proffesiynol canlynol:

Safon 2 – Awdurdod, Parch a Chwrteisi

Mae swyddogion yr heddlu yn gweithredu gyda hunanreolaeth a goddefgarwch, gan drin aelodau o'r cyhoedd a chydweithwyr â pharch a chwrteisi. Nid yw swyddogion yr heddlu yn camddefnyddio eu pwerau na'u hawdurdod ac maent yn parchu hawliau pob unigolyn.

Safon 9 – Ymddygiad Annheilwng

Mae Swyddogion yr Heddlu yn ymddwyn mewn ffordd nad yw'n difrïo gwasanaeth yr Heddlu nac yn tanseilio hyder y cyhoedd ynddo, p'un a fyddant ar ddyletswydd ai peidio.

Mae'r honiadau yn ymwneud ag ymddygiad y swyddog pan nad oedd ar ddyletswydd, wrth fod mewn achlysur cymdeithasol.