Hysbysiad Preifatrwydd

Cyflwyniad

Caiff y trefniadau ar gyfer defnyddio a datgelu data personol eu rheoli yn y Deyrnas Unedig gan Ddeddf Diogelu Data 2018 (y Ddeddf). O dan y Ddeddf, Prif Gwnstabl Heddlu De Cymru yw rheolydd y data at ddibenion prosesu unrhyw ddata personol gan yr heddlu. Cyfeirir at Brif Gwnstabl Heddlu De Cymru fel 'ni' yng ngweddill yr Hysbysiad Preifatrwydd hwn.

Mae'r hysbysiad preifatrwydd hwn yn egluro:

• y ffordd rydym yn casglu, storio, defnyddio, datgelu, cadw a dinistrio data personol drwy wefan Heddlu De Cymru (cyfeirir at y gweithgareddau hynny fel 'prosesu data personol' hefyd)
• y camau rydym yn eu cymryd i sicrhau bod data personol rydym yn eu prosesu yn cael eu diogelu'n briodol 
• yr hawliau sydd gan unigolion pan fyddwn yn prosesu eu data personol

Byddwn yn trin gwybodaeth y byddwch yn ei rhoi i ni wrth ddefnyddio'r wefan hon yn gyfrinachol, a byddwn ond ei datgelu i drydydd partïon pan fo'n ofynnol yn ôl y gyfraith i ni wneud hynny, neu o dan yr amgylchiadau a nodir yn yr hysbysiad preifatrwydd hwn.

Rydym yn casglu gwybodaeth am y defnydd o'r wefan er mwyn ein helpu i ddatblygu a gwella'r gwasanaethau a gynigir i'r cyhoedd, ac i ddiogelu uniondeb ein systemau gan ddefnyddwyr maleisus. Rydym hefyd yn casglu gwybodaeth drwy'r gwahanol gyfleusterau sydd ar gael ar y wefan sy'n eich galluogi i ddarparu gwybodaeth i ni (megis ffurflenni ar-lein a'r cyfleuster sgwrs fyw) at y dibenion a ddisgrifir y nes ymlaen yn yr hysbysiad preifatrwydd hwn. Ar hyn o bryd mae'r wybodaeth hon yn cynnwys:

• gwybodaeth a gafwyd drwy ein system rheoli er mwyn ystyried yr hyn y mae pobl yn chwilio amdano, yr hyn y maent yn dod o hyd iddo, a'r achlysuron hynny pan na cheir unrhyw ganlyniadau i chwiliad. Nid oes modd adnabod defnyddwyr unigol drwy'r wybodaeth hon 
• gwybodaeth a ddarperir gan ddefnyddwyr drwy ffurflenni ar-lein (at ddibenion sy'n cynnwys rhoi gwybod am droseddau, cyngor a gwybodaeth am roi gwybod am droseddau, rhoi gwybod am ymddygiad gwrthgymdeithasol, ceisiadau o dan 'Gyfraith Clare', rhoi gwybod am ddigwyddiadau traffig ffyrdd, a cheisiadau am drwyddedau arfau tanio) a'r cyfleuster sgwrs fyw. Mae'n bosibl y bydd modd adnabod defnyddwyr unigol ac unigolion eraill drwy'r wybodaeth hon, gan ddibynnu ar y wybodaeth a nodir ganddynt (mae'n bosibl y bydd modd i ni weld gwybodaeth y byddwch yn ei rhoi ar ffurflen ar-lein hyd yn oed os na fyddwch yn cyflwyno'r ffurflen oherwydd y ffordd y mae'r wefan wedi ei sefydlu i arbed ffurflenni a gwblhawyd yn rhannol yn awtomatig)
• gwybodaeth ystadegol a gafwyd gan ddefnyddio Google Analytics nad sy’n adnabod defnyddwyr unigol (mae rhagor o wybodaeth am hyn yn yr adran ‘Sut rydym yn defnyddio cwcis?’ yn yr hysbysiad preifatrwydd hwn);
• eich cyfeiriad IP a manylion y porwr rydych yn ei ddefnyddio, sy'n cael eu cofnodi gennym pan fyddwch yn defnyddio ein ffurflenni ar-lein
• eich cyfeiriad IP, a ddefnyddir i nodi eich lleoliad os byddwch yn defnyddio unrhyw gyfleusterau canfod lleoliad sydd ar gael ar y wefan hon. Rydym ond yn defnyddio'r wybodaeth hon i ddangos cynnwys perthnasol i chi; nid ydym yn ei storio na'i rhannu â thrydydd partïon

Beth yw data personol?

Data personol yw unrhyw wybodaeth rydym yn ei thrin sy'n ymwneud â pherson naturiol adnabyddedig neu adnabyddadwy. Person naturiol adnabyddadwy yw unrhyw un y gellir ei adnabod, yn uniongyrchol neu'n anuniongyrchol, ar sail gwybodaeth, gan gynnwys drwy gyfeirio at enw, rhif adnabod, data lleoliad, dynodydd ar-lein neu un ffactor neu fwy sy'n benodol i hunaniaeth gorfforol, ffisiolegol, genetig, meddyliol, economaidd, diwylliannol, neu gymdeithasol y person naturiol hwnnw.

Ein Manylion Cyswllt a'n Swyddog Diogelu Data

Ein Tîm Diogelu Data sy'n gyfrifol am reoli ein cydymffurfiaeth â rheolau diogelu data. Gellir cysylltu â'r Prif Swyddog Diogelu Data Arweiniol ar y cyd ar gyfer Heddlu De Cymru a Heddlu Gwent drwy ddefnyddio'r manylion canlynol:

Swyddfa Diogelu Data
Pencadlys Heddlu De Cymru
Heol y Bont-faen
Pen-y-bont ar Ogwr
CF31 3SU

E-bost: [email protected]

Rydym yn cymryd ein cyfrifoldebau o ran diogelu data o ddifrif. Rydym yn ymdrechu i wneud yn siŵr ein bod yn prosesu eich data personol yn briodol er mwyn sicrhau y gallwch ymddiried ynom. Gallwch gysylltu â'n Tîm Diogelu Data neu ein Swyddog Diogelu Data os bydd gennych unrhyw gwestiynau neu bryderon am y ffordd y byddwn yn prosesu eich data personol.

Pam ein bod yn prosesu eich data personol?

Mae gennym ddyletswydd gyfreithiol i gynnal y gyfraith, atal troseddau, dwyn troseddwyr ger bron eu gwell a diogelu'r cyhoedd. Er mwyn gwneud hyn, rydym yn prosesu eich data personol er mwyn ymgymryd ag amrywiaeth o weithgareddau y cyfeirir atynt yn gyffredinol fel y ‘diben plismona’. Mae'r rhain yn cynnwys:

• atal a chanfod troseddau
• dal ac erlyn troseddwyr
• diogelu bywydau ac eiddo
• cadw trefn
• cynnal y gyfraith a threfn
• helpu'r cyhoedd
• sicrhau diogelwch gwladol
• amddiffyn achosion sifil
• cyflawni unrhyw ddyletswyddau neu gyfrifoldebau eraill sydd gan yr heddlu sy'n deillio o gyfraith gyffredin neu gyfraith statud

Rydym hefyd yn prosesu data personol at ddibenion sy'n cefnogi'r diben plismona. Mae'r rhain yn cynnwys:

• recriwtio
• gwneud gwaith gweinyddu mewn perthynas â chyflogeion, contractwyr a gwirfoddolwyr presennol a blaenorol
• rheoli eiddo ac asedau
• rheoli ariannol
• rheoli cydberthnasau â'r cyfryngau, ymdrin â chwynion
• ymchwil, gan gynnwys arolygon
• darparu rhaglenni a chymorth addysgol

Data personol am bwy rydym yn eu prosesu?

Rydym yn prosesu gwybodaeth sy'n ymwneud ag amrywiaeth o unigolion, gan gynnwys:

• aelodau o'r cyhoedd
• dioddefwyr troseddau
• tystion i droseddau
• pobl a ddyfarnwyd yn euog o drosedd
• pobl yr amheuir eu bod wedi cyflawni trosedd
• achwynwyr, gohebwyr ac ymholwyr
• pobl sydd ar goll neu sy'n agored i niwed
• plant
• cynghorwyr, ymgynghorwyr ac arbenigwyr proffesiynol eraill
• cyflenwyr
• cyflogeion, cadetiaid, asiantiaid, gweithwyr dros dro a gweithwyr achlysurol a gwirfoddolwyr presennol a blaenorol
• cynrychiolwyr unigolion ar y rhestr hon, megis rhieni, perthnasau eraill, gwarcheidwaid a phobl ag atwrneiaeth

Pa fathau o ddata personol rydym yn eu prosesu?

Gallwn brosesu data personol sy'n ymwneud â'r categorïau canlynol, neu sy'n eu cwmpasu:

Data personol yn ymwneud ag unigolion

Mae hyn yn cynnwys:

• manylion cyswllt, megis rhif ffôn, cyfeiriad e-bost
• dynodyddion unigryw megis rhif trwydded yrru, rhif yswiriant gwladol
• ffotograffau
• teulu, ffordd o fyw ac amgylchiadau cymdeithasol
• manylion addysg a hyfforddiant
• manylion cyflogaeth
• manylion ariannol
• nwyddau neu wasanaethau a ddarparwyd
• tarddiad hiliol neu ethnig (i)
• safbwyntiau gwleidyddol (i)
• credoau crefyddol neu gredoau eraill o natur debyg (i)
• aelodaeth o undeb llafur (i)
• iechyd neu gyflwr corfforol neu feddyliol (i)
• bywyd rhywiol (i)
• troseddau a throseddau honedig (i)
• achosion troseddol, canlyniadau a dedfrydau (i)
• data biometrig, gan gynnwys delweddau a gafwyd gan ddefnyddio technoleg Adnabod Wynebau Awtomataidd, DNA ac Olion bysedd er mwyn adnabod unigolyn yn benodol (i)
• sain a delweddau gweledol, gan gynnwys ffotograffau o staff a swyddogion
• cyfeiriadau at gofnodion neu ffeiliau papur
• gwybodaeth yn ymwneud â diogelwch ac iechyd
• manylion am gwynion, digwyddiadau, achosion ymgyfreitha sifil a damweiniau
• lawrlwythiadau o ffonau symudol sy'n cefnogi llinellau ymholi rhesymol mewn ymchwiliad (i)

Data categori arbennig

Mae’r data personol sydd wedi’i nodi ag ‘(i)’ uchod yn cael ei ddosbarthu fel data categori arbennig. Gweler ein dogfen bolisi briodol ar gyfer prosesu Rhan 2 am fanylion camau diogelu ychwanegol ar gyfer prosesu data categori arbennig

Data personol sensitif

Mae camau diogelu ychwanegol ar gyfer prosesu  ‘data categori arbennig’ at ddibenion gorfodi'r gyfraith i'w gweld yn ein dogfen bolisi briodol ar gyfer prosesu Rhan 3. Mae hyn yn cynnwys data sy'n ymwneud â throseddau a chosbau (gan gynnwys troseddau honedig), achosion troseddol a chanlyniadau, a barn swyddogion am unigolion a'u hasesiad ohonynt

Bydd y mathau o ddata personol rydym yn eu prosesu yn amrywio yn dibynnu ar y diben. Nid yw'r rhestr uchod yn gynhwysfawr. Ein nod yw prosesu cyn lleied o ddata personol â phosibl er mwyn cyflawni'r diben perthnasol. Ni ddylech dybio ein bod yn cadw data personol ym mhob un o'r categorïau a nodwyd ar gyfer pob unigolyn rydym yn prosesu ei ddata personol.

O ble y cawn y data personol rydym yn eu prosesu?

Rydym yn casglu data personol o amrywiaeth o ffynonellau, gan gynnwys:

• unigolion sy'n defnyddio'r wefan ac yn rhyngweithio â hi (gan gynnwys drwy lenwi ffurflenni a'u cyflwyno) yn ogystal â'u perthnasau, eu gwarcheidwaid a phobl eraill sy'n gysylltiedig â nhw
• busnesau (gan gynnwys cwmnïau diogelwch a chwmnïau eraill sy'n darparu nwyddau a gwasanaethau) a sefydliadau sector preifat eraill sy'n gweithio gyda'r heddlu ym maes strategaethau gwrth-droseddu
• sefydliadau sector gwirfoddol
• awdurdodau lleol, adrannau ac asiantaethau llywodraeth genedlaethol a lleol (gan gynnwys y Swyddfa Gartref, Cyllid a Thollau EM ac asiantaethau diogelu preifat eraill)
• asiantaethau a chyrff eraill sy'n gorfodi'r gyfraith (gan gynnwys rhai rhyngwladol)
• asiantaethau partner sy'n ymwneud â strategaethau troseddau ac anhrefn
• cynrychiolwyr cyfreithiol, awdurdodau erlyn, llysoedd a charchardai
• awdurdodau trwyddedu
• sefydliadau cymeradwy a phobl sy'n gweithio gyda'r heddlu
• ombwdsmyn a chyrff rheoleiddio (gan gynnwys Comisiwn Cwynion Annibynnol yr Heddlu ac Arolygiaeth Cwnstabliaeth Ei Fawrhydi)
• archwilwyr
• comisiynwyr yr heddlu a throseddu
• gwasanaethau brys
• cyflogwyr presennol, cyflogwyr blaenorol neu ddarpar gyflogwyr unigolion
• cynghorwyr neu ymarferwyr gofal iechyd, cymdeithasol a lles
• sefydliadau addysg a hyfforddiant a chyrff arholi
• cymdeithion busnes a chynghorwyr proffesiynol eraill
• ein cyflogeion, asiantiaid a gweithwyr dros dro a gweithwyr achlysurol eraill
• pobl sy'n gwneud ymholiadau neu gwynion
• sefydliadau a chynghorwyr ariannol ac asiantaethau gwirio credyd
• sefydliadau sy'n cynnal arolygon a gwaith ymchwil
• cymdeithasau masnach a chymdeithasau cyflogwyr; cyrff proffesiynol
• y cyfryngau
• ein systemau teledu cylch cyfyng a'n camerâu a wisgir ar y corff yn ogystal â'n technoleg megis technoleg Adnabod Wynebau amser byw

Beth yw ein sail gyfreithlon dros brosesu data personol?

Pan fyddwn yn prosesu data personol at y diben plismona, ein sail gyfreithiol dros brosesu o dan Ddeddf Diogelu Data 2018 yw ei bod yn angenrheidiol er mwyn cyflawni tasg yr ymgymerir â hi er budd y cyhoedd neu wrth arfer yr awdurdod swyddogol a roddwyd i ni. Mae ein swyddogaethau a'r awdurdod swyddogol a roddwyd i ni yn seiliedig yn y gyfraith gyffredin ac yn cael eu hategu gan ddeddfwriaeth megis Deddf yr Heddlu a Thystiolaeth Droseddol 1984, Deddf yr Heddlu 1996 a Deddf Diwygio'r Heddlu 2002.

Pan fyddwn yn prosesu data sy'n ymwneud ag euogfarnau troseddol a throseddau, mae'r prosesu yn angenrheidiol am resymau sydd o fudd sylweddol i'r cyhoedd ac sy'n cynnwys arfer swyddogaeth a roddwyd i ni drwy ddeddfiad neu reolaeth y gyfraith. Mae gennym ddogfennau polisi priodol (fel sy'n ofynnol o dan y Ddeddf) ar gyfer y prosesu hwnnw.

Pan fyddwn yn prosesu data personol at ddibenion heblaw am y diben plismona, bydd y sail gyfreithiol dros brosesu'r data yn amrywio yn dibynnu ar yr amgylchiadau. Fel arfer, y sail gyfreithiol berthnasol yw bod y prosesu:

• yn angenrheidiol ar gyfer cyflawni contract
• yn angenrheidiol er mwyn cydymffurfio â rhwymedigaeth gyfreithiol (gan gynnwys cyfraith cyflogaeth)
• er budd y cyhoedd neu at ddibenion swyddogol
• yn angenrheidiol i ddiogelu eich buddiannau allweddol

ac, yn achlysurol:

• â'ch cydsyniad clir (y gallwch ei dynnu yn ôl ar unrhyw adeg)

Pa fesurau diogelwch rydym yn eu defnyddio wrth brosesu eich data personol?

Rydym yn cymryd diogelwch unrhyw ddata personol a reolir gennym o ddifrif. Rydym yn cydymffurfio â'n rhwymedigaethau cyfreithiol o ran diogelwch, rhannau perthnasol o Safon Diogelwch Gwybodaeth ISO27001 a, lle y bo'n briodol, ganllawiau'r Coleg Plismona ar Sicrwydd Gwybodaeth.

Rydym yn sicrhau bod polisïau, hyfforddiant, a mesurau technegol a gweithdrefnol priodol ar waith, gan gynnwys mesurau ar gyfer archwilio ac arolygu, i ddiogelu ein systemau gwybodaeth papur ac electronig rhag achosion o golli a chamddefnyddio data. Rydym ond yn caniatáu i'r systemau hyn gael eu defnyddio pan fydd rheswm dilys dros wneud hynny ac yn unol â chanllawiau llym ynghylch sut y gellir defnyddio unrhyw ddata personol a geir ynddynt. Rydym yn rheoli ac yn gwella ein cydymffurfiaeth â safonau a chanllawiau perthnasol yn barhaus er mwyn sicrhau diogelwch digonol a chyfredol ar gyfer data personol.

Gyda phwy rydym yn rhannu eich data personol?

Gallwn ddatgelu data personol i amrywiaeth eang o dderbynwyr yn unrhyw ran o'r byd (gan gynnwys y tu allan i'r Deyrnas Unedig a'r Ardal Economaidd Ewropeaidd), gan gynnwys i'r rheini y cawn ddata personol ganddynt yn wreiddiol. Gall y derbynwyr hyn gynnwys y canlynol:

• asiantaethau sy'n gorfodi'r gyfraith
• busnesau (gan gynnwys cwmnïau diogelwch a chwmnïau eraill sy'n darparu nwyddau a gwasanaethau) a sefydliadau sector preifat eraill sy'n gweithio gyda'r heddlu ym maes strategaethau gwrth-droseddu
• asiantaethau partner sy'n gweithio ar fentrau lleihau troseddau neu fentrau diogelu
• asiantaethau a thrydydd partïon eraill sy'n ymwneud â sicrhau diogelwch gwladol domestig a rhyngwladol a chynnal ymchwiliadau mewn perthynas â nhw
• awdurdodau lleol, adrannau ac asiantaethau llywodraeth genedlaethol a lleol (gan gynnwys y Swyddfa Gartref, Cyllid a Thollau EM, y Swyddfa Twyll Difrifol, y Gwasanaeth Cynhaliaeth Plant, y Fenter Twyll Cenedlaethol ac asiantaethau diogelu preifat eraill)
• comisiynwyr yr heddlu a throseddu
• cynrychiolwyr cyfreithiol, awdurdodau erlyn, llysoedd, carchardai a phartneriaid eraill ym maes cyfiawnder troseddol
• darparwyr gwasanaethau cymorth i ddioddefwyr
• cyrff neu unigolion sy'n gweithio ar ein rhan
• awdurdodau sy'n ymwneud â rheoli troseddwyr
• ombwdsmyn, archwilwyr ac awdurdodau rheoleiddio
• cyrff neu unigolion eraill pan fydd yn ofynnol iddynt wneud hynny o dan unrhyw ddeddfwriaeth, rheolaeth y gyfraith neu orchymyn llys
• cyrff neu unigolion eraill lle mae angen gwneud hynny er mwyn atal niwed i unigolion
• y cyfryngau

Caiff datgeliadau eu hystyried fesul achos, gan sicrhau mai ond y wybodaeth bersonol honno sy'n angenrheidiol ac yn gymesur i ddiben cyfreithlon penodol sy'n cael ei datgelu, gyda mesurau rheoli a diogelu priodol ar waith. 

Caiff pob ffurflen ar-lein wedi'i chwblhau a gyflwynir i Heddlu De Cymru ei hanfon yn ddiogel yn awtomatig at dîm TG canolig yr heddlu sy'n gyfrifol am gyflawni Portffolio Plismona Digidol Cyngor Cenedlaethol Prif Swyddogion yr Heddlu.

Am faint o amser rydym yn cadw eich data personol?

Rydym yn cadw eich data personol gyhyd ag sydd ei hangen at y diben neu'r dibenion penodol dan sylw.

Caiff data personol a ddelir ar Gyfrifiadur Cenedlaethol yr Heddlu eu cadw, eu hadolygu a'u dileu yn unol â chyfnodau cadw y cytunwyd arnynt yn genedlaethol, sy'n gallu newid o bryd i'w gilydd.

Byddwn yn cadw cofnodion sy'n cynnwys data sy'n ymwneud ag ymchwiliadau troseddol, cudd-wybodaeth, diogelu'r cyhoedd, a dalfeydd yn unol â chanllawiau'r Coleg Plismona ar Reoli Gwybodaeth yr Heddlu.

Pa hawliau sydd gennych dros y data personol y byddwn yn eu prosesu, a sut y gallwch arfer yr hawliau hyn?

O dan y Ddeddf, mae gennych nifer o hawliau y gallwch eu harfer mewn perthynas â'r data personol y byddwn yn eu prosesu. Nid oes angen i chi dalu er mwyn arfer eich hawliau (heblaw am ffi resymol os bydd cais i gael gafael ar ddata yn amlwg yn ddi-sail neu'n ormodol, ond ein bod yn cytuno i'w fodloni serch hynny).

Noder y bydd amgylchiadau lle na fydd modd i ni gydsynio â'ch cais i arfer eich hawliau o ganlyniad i natur y prosesu sy'n mynd rhagddo.  Byddwn yn ymdrechu i fodloni ceisiadau i arfer hawliau lle y bo'n bosibl.

Byddwn yn ymateb i'ch cais i arfer eich hawliau o fewn 1 mis i'w dderbyn, er y gall fod angen i ni ofyn am wybodaeth benodol gennych weithiau er mwyn ein helpu i gadarnhau pwy ydych chi a sicrhau bod gennych yr awdurdod i arfer yr hawliau, neu er mwyn i ni allu dod o hyd i'r data personol dan sylw. Ar gyfer ceisiadau sy'n ymwneud â phrosesu cyffredinol (nid gorfodi'r gyfraith), os bydd angen rhagor o wybodaeth arnom neu os yw'r cais yn gymhleth ac nid oes modd ei fodloni o fewn mis, byddwn yn rhoi gwybod i chi am hyn a cheisio ymateb yn llawn o fewn deufis pellach.

Hawl mynediad: Gallwch wneud cais am ddim i gael y data personol rydym yn eu cadw amdanoch. Gallwch wneud cais i gael y data personol rydym yn eu cadw amdanoch drwy ddefnyddio'r manylion cyswllt yn yr hysbysiad preifatrwydd hwn.

Yr Hawl i Gael Gwybod: Mae gennych yr hawl i gael gwybod a ydym yn prosesu eich data personol, sut rydym wedi cael gafael arnynt, sut y byddwn yn eu defnyddio, eu cadw a'u storio, ac â phwy y byddwn yn eu rhannu. Nod yr hysbysiad preifatrwydd hwn yw darparu'r wybodaeth honno, yn ogystal ag egluro eich hawliau.

Yr Hawl i Gywiro Data: Os byddwn yn cadw data personol amdanoch sy'n anghywir neu'n anghyflawn, mae gennych yr hawl i ofyn i ni eu cywiro. Gallwch ofyn i ni gywiro eich data personol drwy ddefnyddio'r manylion cyswllt yn yr hysbysiad preifatrwydd hwn.

Yr Hawl i Wneud Cais i Ddileu Data: O dan amgylchiadau penodol, mae gennych yr hawl i ofyn i ni ddileu eich data personol er mwyn sicrhau na chânt eu prosesu ymhellach lle na ellir cyfiawnhau eu cadw. Dyma'r amgylchiadau sy'n fwyaf tebygol o fod yn berthnasol:

• lle nad oes angen cadw eich data personol mwyach mewn perthynas â'r diben gwreiddiol y cawsant eu casglu a'u prosesu ar ei gyfer
• lle byddwch yn tynnu yn ôl eich cydsyniad i ni gadw eich data personol os byddwn yn dibynnu ar eich cydsyniad er mwyn eu cadw

Nid yw'r hawl i ddileu data yn gymwys os byddwn yn prosesu eich data personol:

• er mwyn cydymffurfio â rhwymedigaeth gyfreithiol
• er mwyn cyflawni tasg yr ymgymerir â hi er budd y cyhoedd neu wrth arfer awdurdod swyddogol
• er mwyn sefydlu, arfer neu amddiffyn honiadau cyfreithiol
• er mwyn arfer yr hawl i ryddid mynegiant a gwybodaeth
• at ddibenion archifo er budd y cyhoedd neu at ddibenion ymchwil gwyddonol, ymchwil hanesyddol neu ddibenion ystadegol, lle y byddai'n amhosibl neu'n anodd iawn prosesu'r data hyn pe byddent yn cael eu dileu

Os ydych am ofyn i ni ddileu eich data personol, gallwch wneud hynny drwy ddefnyddio'r manylion cyswllt yn yr hysbysiad preifatrwydd hwn.

Yr Hawl i Atal Data rhag cael eu Prosesu: O dan amgylchiadau penodol, mae gennych yr hawl i ofyn i ni atal eich data personol rhag cael eu prosesu. Gallai hyn ddigwydd o dan yr amgylchiadau canlynol:

• rydych yn herio cywirdeb eich data personol wrth i ni gadarnhau pa mor gywir ydynt
• mae'r wybodaeth amdanoch wedi cael ei phrosesu yn anghyfreithlon ac rydych yn erbyn dileu'r wybodaeth ac wedi gwneud cais i atal iddi rhag cael ei phrosesu yn lle hynny
• nid oes angen eich data personol arnom mwyach ond mae angen i chi eu defnyddio er mwyn sefydlu, arfer neu amddiffyn honiad cyfreithiol ac nid ydych am i ni eu dileu

Gallwch ofyn i ni atal eich data personol rhag cael eu prosesu drwy ddefnyddio'r manylion cyswllt yn yr hysbysiad preifatrwydd hwn.

Yr Hawl i Gludadwyedd Data: Mae gennych yr hawl i gael gafael ar y wybodaeth bersonol amdanoch a'i hailddefnyddio at eich dibenion eich hunain, gan ei throsglwyddo o un amgylchedd i amgylchedd arall. Mae'r hawl hon ond yn berthnasol i ddata personol a roddwyd gan unigolyn, lle y cânt eu prosesu ar sail caniatâd yr unigolyn neu er mwyn cyflawni contract, a phan brosesir y data hynny drwy ddulliau awtomataidd. Os ydych am drafod yr hawl hon, gallwch wneud hynny drwy ddefnyddio'r manylion cyswllt yn yr hysbysiad preifatrwydd hwn.

Yr Hawl i Wrthwynebu: Mae gennych yr hawl i wrthwynebu'r canlynol:

• prosesu ar sail buddiannau dilys neu er mwyn cyflawni tasg sydd er budd y cyhoedd a/neu arfer awdurdod swyddogol
• prosesu gwybodaeth amdanoch at ddibenion ymchwil gwyddonol a hanesyddol ac ystadegau
• marchnata uniongyrchol

Rhaid i unrhyw wrthwynebiad fod ar sail sy'n gysylltiedig â'ch sefyllfa benodol. Os ydych am arfer eich hawl i wrthwynebu, gallwch wneud hynny drwy ddefnyddio'r manylion cyswllt yn yr hysbysiad preifatrwydd hwn.

Hawliau sy'n gysylltiedig â phrosesau penderfynu awtomataidd neu broffilio awtomataidd: Mae gennych yr hawl i beidio â bod yn destun unrhyw benderfyniad sy'n seiliedig ar brosesu awtomataidd yn unig (gan gynnwys proffilio) ac sy'n cael effaith gyfreithiol neu effaith sylweddol debyg arnoch.

Nid yw'r hawl hon yn berthnasol os yw'r penderfyniad:

• wedi'i awdurdodi gan y gyfraith
• yn angenrheidiol er mwyn ymrwymo i gontract neu berfformio contract
• yn seiliedig ar eich cydsyniad

Mae'n annhebygol y byddwn yn gwneud penderfyniadau awtomataidd am fod pobl yn rhyngweithio mewn gwahanol fyrdd â'n trefniadau prosesu ac yn gwneud penderfyniadau mewn perthynas â nhw.

Mae proffilio yn cyfeirio at brosesu data personol yn awtomataidd mewn unrhyw ffordd er mwyn gwerthuso agweddau personol penodol arnoch a rhagfynegi pethau amdanoch megis eich ymddygiad, eich diddordebau, eich symudiadau neu eich perfformiad yn y gwaith. Nid ydym yn cynnal prosesau proffilio awtomataidd ar hyn o bryd. Os oes gennych unrhyw gwestiynau am benderfyniadau awtomataidd neu broffilio awtomataidd, gallwch eu codi gan ddefnyddio'r manylion cyswllt yn yr hysbysiad preifatrwydd hwn.

Sut rydym yn defnyddio cwcis?

Defnyddir cwcis ar y wefan hon i wella profiad y defnyddiwr ac ar gyfer swyddogaethau hanfodol; ni chânt eu defnyddio at ddibenion adnabod.

Dysgu rhagor am sut rydym yn rheoli cwcis.

Sut y gallwch wneud cwyn

Os nad ydych yn fodlon ar y ffordd y mae'r heddlu wedi trin eich data personol, dylech gysylltu â'r tîm diogelu data yn gyntaf, am ei bod yn bosibl y gallwn ddatrys y broblem. Os nad ydych yn fodlon o hyd, Swyddfa'r Comisiynydd Gwybodaeth (ICO) sy'n rheoleiddio'r gwaith o brosesu data personol. Gallwch wneud cwyn i Swyddfa'r Comisiynydd Gwybodaeth os nad ydych yn fodlon ar y ffordd rydym wedi prosesu eich data personol (noder y bydd y Comisiynydd yn disgwyl i chi gysylltu â'r heddlu yn y lle cyntaf).

Swyddfa'r Comisiynydd Gwybodaeth
Wycliffe House
Water Lane
Wilmslow
Swydd Gaer
SK9 5AF

Rhif y Llinell Gymorth: 0303 123 1113
Gwneud cwyn ar wefan Swyddfa'r Comisiynydd Gwybodaeth

Dyddiad y diweddariadau a'r newidiadau diwethaf

Gwnaethom ddiweddaru'r polisi hwn ddiwethaf ar 17 Medi 2021. Rydym yn adolygu'r polisi hwn yn rheolaidd ac yn ei ddiweddaru bob blwyddyn neu pan fydd unrhyw newidiadau pwysig.