Gwrandawiad Camymddwyn Difrifol – Cwnstabliaid yr Heddlu PC 8326 Jessica Phillips a PC 6931 Kayla Pugh

Bydd Heddlu De Cymru yn cynnal gwrandawiad camymddwyn difrifol rhwng dydd Llun 9 Tachwedd a dydd Mercher 11 Tachwedd 2026 yng Nghanolfan Dechnoleg Waterton, Ystad Ddiwydiannol Waterton, Pen-y-bont ar Ogwr, CF31 3WT. Bydd y gwrandawiad yn cael ei gadeirio gan y Dirprwy Brif Gwnstabl Thomas Williams.

Y swyddogion sy'n destun y gwrandawiad hwn yw Cwnstabliaid yr Heddlu 8326 Jessica Phillips a 6931 Kayla Pugh, sydd wedi'u cyhuddo o dorri'r safonau ymddygiad proffesiynol canlynol:

Safon 1 – Gonestrwydd ac Uniondeb

Mae swyddogion yr heddlu yn onest, yn gweithredu gydag uniondeb ac nid ydynt yn peryglu eu rôl nac yn camarfer ynddi.

Safon 5 - Gorchmynion a Chyfarwyddiadau

Dim ond gorchmynion a chyfarwyddiadau cyfreithlon y mae swyddogion yr heddlu yn eu rhoi ac yn eu cyflawni. Mae swyddogion yr heddlu yn cydymffurfio â rheoliadau'r heddlu, polisïau'r heddlu a gorchmynion cyfreithiol.

Safon 6 – Dyletswyddau a Chyfrifoldebau

Mae swyddogion yr heddlu yn ddiwyd wrth gyflawni eu dyletswyddau a'u cyfrifoldebau

Safon 9 – Ymddygiad Annheilwng

Mae Swyddogion yr Heddlu yn ymddwyn mewn ffordd nad yw'n difrïo gwasanaeth yr Heddlu nac yn tanseilio hyder y cyhoedd ynddo, p'un a fyddant ar ddyletswydd ai peidio.

Mae'r honiadau yn ymwneud â'r swyddogion yn methu dilyn gweithdrefn yr heddlu i gymryd camau cadarnhaol i ddiogelu dioddefwr a oedd yn agored i niwed a lleihau neu ddileu bygythiad ac atal niwed.