Carcharu dyn am fwy na chwe blynedd ar ôl ymosod ar fenyw yn rhywiol

Mae dyn wedi cael ei garcharu am fwy na chwe blynedd ar ôl iddo ymosod ar fenyw yn rhywiol.

Cafodd David Walsh, 41 oed o Gabalfa, Caerdydd, ei ddedfrydu yn Llys y Goron Caerdydd ar 10 Hydref i chwe blynedd a chwe mis ar ôl cael ei ganfod yn euog o'r canlynol:

• un achos o ymosodiad rhywiol ar fenyw
• dau achos o ymosod ar fenyw 13 oed a throsodd drwy dreiddio gyda rhan o gorff / gwrthrych

Dywedodd y Ditectif Ringyll Josh Danaher:

“Hoffwn ddiolch i'r dioddefwr am ei chryfder a'r gwydnwch a ddangosodd drwy gydol yr ymchwiliad hwn. Mae gweithredoedd Walsh wedi cael effaith sylweddol iawn arni, felly rwy'n gobeithio y bydd y ddedfryd hon yn ei helpu i symud ymlaen o'i weithredoedd.

“Os ydych chi wedi dioddef trosedd rhywiol, rhowch wybod i'r heddlu. Byddwn bob amser yn cymryd eich adroddiadau o ddifrif ac rydym yn ymrwymedig i ddwyn troseddwyr fel Walsh o flaen eu gwell.”

Nid ydym byth yn diystyru pa mor anodd yw hi i oroeswyr cam-drin rhywiol siarad yn agored a rhoi gwybod am ddigwyddiadau o'r fath.

Ond rydym yn gobeithio y bydd achosion fel hyn yn rhoi sicrwydd y byddwn yn gwrando ar ddioddefwyr, yn eu trin ag urddas a pharch, ac y byddant yn cael eu cefnogi drwy'r broses farnwrol.

Os ydych chi wedi cael eich cam-drin yn rhywiol, ac nad ydych yn barod i roi gwybod amdano i'r heddlu eto, peidiwch â dioddef yn dawel. Gellir dod o hyd i gyfoeth o wybodaeth a manylion am wasanaethau cymorth yma.