Dau ddyn wedi'u cyhuddo mewn cysylltiad â digwyddiad saethu yn y Pîl yn cael eu cadw yn y ddalfa
Cynnwys y prif erthygl
Ymddangosodd dau ddyn wedi'u cyhuddo mewn cysylltiad â digwyddiad yn ymwneud ag arf tanio yn y Pîl ddydd Llun, 22 Medi, 2025, gerbron Llys Ynadon Caerdydd ddydd Llun, 6 Hydref, wedi'u cyhuddo o sawl trosedd.
Cafodd Kian Darkes, 20 oed, ei gyhuddo o fod ag arf tanio yn ei feddiant gyda'r bwriad o beryglu bywyd, cynllwynio i achosi niwed corfforol difrifol yn fwriadol, bod ag arf tanio wedi'i lwytho yn ei feddiant mewn man cyhoeddus a chymryd rhan yng ngweithgareddau troseddol grŵp troseddau cyfundrefnol.
Cafodd Kyle Long, 39 oed, ei gyhuddo o fod ag arf tanio yn ei feddiant gyda'r bwriad o beryglu bywyd, bod ag arf tanio wedi'i lwytho yn ei feddiant mewn man cyhoeddus, cymryd rhan yng ngweithgareddau troseddol grŵp troseddau cyfundrefnol, cynllwynio i achosi niwed corfforol difrifol yn fwriadol, a bod â chyffur rheoledig, sef cocên, yn ei feddiant.
Cafodd y ddau eu cadw yn y ddalfa a byddant yn ymddangos nesaf gerbron Llys y Goron Caerdydd ar 3 Tachwedd.
Hoffem ddiolch i aelodau'r gymuned leol am eu cefnogaeth drwy gydol yr ymchwiliad.