'Ras yn Erbyn Casineb 2025

Ddydd Llun, 13 Hydref, fe wnaethom gynnal ein hail ddigwyddiad 'Ras yn Erbyn Casineb' yng Nghanolfan Hamdden Sobell yn Aberdâr.

Daeth y digwyddiad, sy'n rhan o Wythnos Genedlaethol Ymwybyddiaeth o Droseddau Casineb, ag oddeutu 100 o ysgolion cynradd a 1,500 o ddisgyblion ledled Merthyr a Rhondda Cynon Taf ynghyd i redeg mewn undod yn erbyn casineb. Nid ras yn unig oedd hon – roedd yn ddigwyddiad a amlygodd bŵer cyfunol ein cymunedau.

Dywedodd yr Arolygydd Richard Gardiner: "Roedden ni'n falch o fod wedi trefnu ein hail fersiwn o 'Ras yn Erbyn Casineb' lle daeth ysgolion lleol a'r gymuned ynghyd i ddangos eu hymrwymiad i wrthsefyll casineb.

"Fe groesawon ni oddeutu 1,500 o blant i'r digwyddiad a hefyd eu hathrawon, rhieni ac aelodau o'u teulu.  Nod y thema 'Ras yn Erbyn Casineb' oedd addysgu a chodi ymwybyddiaeth am driniaeth pawb yn ein cymuned, ni waeth beth fo'u hil, crefydd, cyfeiriadedd rhywiol, oedran ac anabledd.

“Mae'r digwyddiad hwn yn llawer mwy na chyfres o rasau. Gwnaethon ni gomisiynu ffilm, i'w ddangos ym mhob ysgol, sy'n cynnwys pobl adnabyddus o fyd chwaraeon ac adloniant a rhannodd negeseuon pwerus am gymorth a chyfeillgarwch. Drwy wneud hyn, gwnaethon ni gyrraedd nifer mawr o bobl ifanc – nid cyfle i redeg yn unig oedd hwn, ond cyfle i ddod ynghyd fel unigolion a chymunedau i geisio creu dyfodol heb gasineb."