Teyrnged i ddioddefwr gwrthdrawiad traffig ffyrdd angheuol yn y Barri

Mae Heddlu De Cymru yn parhau i ymchwilio i wrthdrawiad traffig ffyrdd angheuol a ddigwyddodd am 3:12pm, ddydd Llun 29 Medi 2025, ger Morrisons ar Ffordd y Mileniwm, y Barri.

Roedd y gwrthdrawiad yn cynnwys Mercedes C220 du a'r cerddwr Jacqueline Ellis. Mae swyddogion o'r Uned Ymchwiliadau i Wrthdrawiadau Difrifol yn apelio i unrhyw un sydd heb gysylltu â ni eto a all fod wedi gweld y gwrthdrawiad, y ffordd o yrru cyn y gwrthdrawiad, neu sydd ag unrhyw ddeunydd fideo camera dashfwrdd/CCTV a all fod yn berthnasol i'w hymchwiliad i wneud hynny.

Aethpwyd â Jacqueline Ellis i'r ysbyty mewn ambiwlans ond bu farw ar 10 Hydref, 2025.

Mae teulu Jacqueline wedi talu'r deyrnged ganlynol iddi.

"Mae marwolaeth sydyn Jacqueline mewn amgylchiadau mor drychinebus yn golled enbyd.

Roedd gan Jacqueline galon aur a byddai'n gwneud popeth yn ei gallu i helpu unrhyw un.

Roedd Jacqueline yn fam, yn fam-gu ac yn hen fam-gu ymroddedig.

Bydd ein hatgofion o Jacqueline yn para am oes ac ni fyddwn ni fel teulu

na'r bobl oedd yn ei hadnabod byth yn anghofio'r atgofion sydd gennym gyda'n gilydd.

Fel teulu, hoffem ddiolch i bawb sydd wedi anfon negeseuon o gefnogaeth, a gofynnwn yn awr am amser i alaru gyda'n gilydd.”

Os oes gennych unrhyw wybodaeth neu ddeunydd fideo, cysylltwch â ni gan ddyfynnu'r cyfeirnod 2500312080.