Enwi'r dioddefwr mewn ymchwiliad i lofruddiaeth yn Rhydyfelin

Yn ystod oriau mân fore heddiw, dydd Mawrth, 23 Medi, ychydig cyn 00.40am, cafodd Heddlu De Cymru ei alw oherwydd aflonyddwch yn Poets Close, Rhydyfelin. Arweiniodd y digwyddiad hwn at anafiadau i dri dyn yn eu 20au, a gafodd eu cludo i'r ysbyty oherwydd yr anafiadau a gafwyd.

Mae'r dyn a fu farw wedi cael ei adnabod yn ffurfiol fel Liam Woolford, 22 oed o'r Porth. Mae'r ddau ddyn arall yn dal yn yr ysbyty.

Dywedodd teulu Liam: “Mae'r teulu yn meddwl am eu mab annwyl Liam yn ystod y cyfnod anodd hwn ac yn gofyn am breifatrwydd wrth iddynt alaru.”

Mae dyn 30 oed o Rydyfelin wedi cael ei arestio ar amheuaeth o lofruddio ac ymgais i lofruddio ac mae dyn 22 oed o ardal Ton-teg wedi cael ei arestio ar amheuaeth o lofruddio. Hefyd, mae menyw 20 oed o Benygraig wedi cael ei harestio ar amheuaeth o glwyfo'n fwriadol Adran 18. Mae'r tri yn parhau yn nalfa'r heddlu wrth i'n hymchwiliad fynd yn ei flaen.

Ychwanegodd y Ditectif Brif Arolygydd Paul Raikes: “Hoffwn roi sicrwydd i'r gymuned ein bod yn gweithio'n gyflym i ymchwilio i'r mater hwn. Bydd preswylwyr yn gweld mwy o swyddogion yr heddlu yn yr ardal, ac mae ardal wedi'i hynysu ar Masefield Way, yn benodol rhwng cyffordd Poets Close a Shakespeare Rise.

"Rydym yn annog unrhyw un a all fod wedi gweld y digwyddiad hwn neu sydd ag unrhyw wybodaeth berthnasol i gysylltu â ni drwy'r linc hwn, Public Portal, gan ddyfynnu'r cyfeirnod 2500304909. Diolch am eich cydweithrediad a'ch dealltwriaeth yn ystod y cyfnod hwn.”

Fel arall, gallwch gysylltu â ni drwy un o'r ffyrdd isod

🗪 Sgwrs Fyw Tudalen gartref | Heddlu De Cymru

Ar-lein Darparu mwy o wybodaeth i’w hychwanegu at adroddiad trosedd | Heddlu De Cymru

101

*Ffoniwch 999 bob amser mewn argyfwng.*

Gellir hefyd roi gwybodaeth yn ddienw drwy Crimestoppers ar 0800 555 111, neu drwy'r ffurflen ar-lein yn Independent UK charity taking crime information anonymously | Crimestoppers