Pedwar unigolyn wedi'u cyhuddo mewn cysylltiad ag ymchwiliad i lofruddiaeth yn Rhydyfelin

Mae pedwar dyn wedi cael eu cyhuddo mewn cysylltiad â marwolaeth Liam Woolford, 22 oed, yn Rhydyfelin ar 23 Medi.

Mae Jake Staples, 24 oed, o Borth, wedi'i gyhuddo o lofruddiaeth, ceisio llofruddio, clwyfo yn fwriadol, cynllwynio i glwyfo unigolyn arall a bod ag eitem lafnog yn ei feddiant.

Mae Ethan Ross, 23 oed, o Rydyfelin, wedi'i gyhuddo o geisio llofruddio, cynllwynio i glwyfo unigolyn arall a bod ag eitem lafnog yn ei feddiant.

Mae Abeyshake Karunanithy, 22 oed, o Donteg, wedi'i gyhuddo o geisio llofruddio, cynllwynio i glwyfo unigolyn arall a bod ag eitem lafnog yn ei feddiant.

Mae Jesse Wandera, 30 oed, o Rydyfelin, wedi'i gyhuddo o gynllwynio i glwyfo unigolyn arall.

Bydd y pedwar yn ymddangos gerbron Llys Ynadon Casnewydd fore heddiw, ddydd Sadwrn, 27 Medi.

Dywedodd y Ditectif Brif Arolygydd Paul Raikes: "Rydym yn meddwl am deulu ac anwyliaid Liam Woolford, 22 oed, ar yr adeg anodd hon. Hoffwn ddiolch i aelodau cymuned Rhydyfelin am eu cymorth yn ystod yr ymchwiliad."