Carcharu cyn gwpl priod o Abertawe oedd ag ymerodraeth gyffuriau Dosbarth A a B

Mae cyn gŵr a gwraig a oedd yn goruchwylio ymgyrch gyffuriau a oedd yn cyflenwi symiau mawr o gocên i ddelwyr yn Abertawe a Rhydaman wedi cael eu hanfon i'r carchar.

Roedd Phillip Jones, 44 oed o Frynhyfryd, Abertawe a Lisa Regan, 53 oed o Portmead, Abertawe, yn gwyngalchu'r arian roeddent yn ei gael yn anghyfreithlon drwy gaffi ym Mlaen-y-maes. Roedd lluniau a gafwyd oddi ar ffonau symudol a oedd yn eiddo i'r pâr yn dangos Phillip Jones yn torri un cilogram o gocên.

Cafodd Regan ei harestio ar ôl i swyddogion ei chludo oddi ar awyren ar ôl hedfan.

Plediodd Jones yn euog o ymwneud â chyflenwi cocên, dau achos o fod â chocên yn ei feddiant gyda'r bwriad o'i gyflenwi, cuddio eiddo troseddol a gyrru tra roedd wedi'i wahardd, yn Llys Ynadon Abertawe ym mis Hydref.

Plediodd Regan hefyd yn euog i ymwneud â chyflenwi cocên, bod â chocên yn ei meddiant gyda'r bwriad o'i gyflenwi a chuddio eiddo troseddol.

Cafodd Lisa Regan ei dedfrydu i saith mlynedd a phedwar mis yn y carchar.

Cafodd Phillip Jones ei ddedfrydu i chwe blynedd ac wyth mis yn y carchar.

Yn y cyfamser, mae Tracy Lewis, 54 oed o Landybie, Sir Gaerfyrddin, a oedd yn prynu symiau mawr o gyffuriau gan Regan ac yn rhedeg ei hymgyrch ei hun yn ardal Rhydaman, wedi cael ei arestio ar ôl pledio'n euog i nifer o droseddau cyffuriau.

Plediodd Lewis yn euog i ymwneud â chyflenwi cocên, crac cocên a chanabis, bod â chocên yn ei feddiant gyda'r bwriad o'i gyflenwi, bod â chocên yn ei feddiant a bod ag eiddo troseddol yn ei feddiant (£1,937 mewn arian parod).

Mae wedi cael ei ddedfrydu i chwe blynedd yn y carchar.

Dywedodd y Rhingyll Luke Tucker:

"Rhyngddynt, roedd Lisa Regan, Phillip Jone a Tracy Lewis yn gyfrifol am lenwi ein cymunedau lleol â symiau sylweddol o gyffuriau Dosbarth A a B.

"Roeddent yn meddwl eu bod uwchlaw'r gyfraith – ond byddant wedi cael eu llorio i ddarganfod nad oedd eu hymgyrchoedd mor anhreiddiadwy ag yr oeddent yn meddwl. Cânt gyfle nawr i fyfyrio ar hynny yn ystod eu cyfnodau hir yn y carchar.

"Drwy eu tynnu allan o gymdeithas, mae ein strydoedd yn llawer gwell ac yn fwy diogel."