Dedfrydu dyn ar ôl ymosodiad yn Abertawe

Ymosododd Steven Craig Vonk, 51 oed o Abertawe, ar Timothy Matthews y tu allan i dafarn The Mill yn Brynmill ar 25 Gorffennaf eleni.

Mae Vonk wedi cael ei ddedfrydu i dair blynedd yn y carchar ar ôl ymddangos gerbron Llys y Goron Abertawe ar ôl pledio'n euog i ddynladdiad Mr Matthews mewn digwyddiad un ergyd.

Dywedodd y Ditectif Arolygydd David Butt, o Dîm Ymchwilio i Droseddau Mawr Heddlu De Cymru: “Mae'r achos hwn yn dangos y canlyniadau difrifol y gall ymosodiadau un ergyd fel hyn eu cael. Byddwn yn annog eraill i feddwl pa mor hawdd y gall penderfyniad effeithio ar weddill eich bywyd a dod â bywyd rhywun arall i ben o bosibl.

“Dioddefodd Timothy Matthews anaf trychinebus i'r pen mewn ymosodiad cwbl ddi-sail ac mae ei farwolaeth wedi cael effaith aruthrol ar fywydau ei deulu a'i ffrindiau.”

Mewn Datganiad Personol Dioddefwr a ddarllenwyd yn y llys, dywedodd merch Mr Matthews, Serina:

“Roedd Dad yn gymeriad annwyl ac rwyf i, ei chwaer a phob un o'i ffrindiau yn ei golli'n fawr. Mae ein teulu a phawb yn y gymuned mewn sioc yn dilyn yr hyn sydd wedi digwydd. Ni fyddwn byth wedi gallu rhagweld y byddai bywyd dad yn dod i ben mor sydyn ar noson allan gyda'i ffrindiau, rwy'n cael cysur gan y ffaith y bydd ei atgof yn fyw.”