Pump yn cael eu dedfrydu i 19 o flynyddoedd am droseddau cyffuriau

Mae pump o bobl o Rondda Cynon Taf wedi cael eu dedfrydu i fwy na 19 mlynedd am droseddau cyffuriau.

Ar ôl i Heddlu De Cymru gyflawni gwarant mewn eiddo yn Tylorstown, Glynrhedynog, mae pump o bobl wedi'u dedfrydu mewn cysylltiad â throseddau cyffuriau.

Roedd y warant yn rhan o Ymgyrch Oonopsis, sef ymgyrch barhaus i fynd i'r afael â grwpiau troseddu cyfundrefnol difrifol a chyflenwad cyffuriau a tharfu arnynt.

Ar 26 Mawrth, gwnaeth swyddogion o'r Uned Troseddau Cyfundrefnol gyflawni gwarant mewn eiddo ar East Road, Tylorstown, Glynrhedynog lle credwyd bod Stephen Williams yn byw.

Ar ôl mynd i mewn, daethant o hyd i Williams ar ben ei hun mewn ystafell wely i fyny'r grisiau. Wrth chwilio'r eiddo, daethant o hyd i goffor mewn ystafell wely flaen. Honnodd Williams nad oedd ganddo'r allwedd a dywedodd ei fod yn rhentu'r ystafell i "Ferret," a gafodd ei adnabod yn ddiweddarach fel Kyle Hughes. Defnyddiodd swyddogion rym i agor y coffor, a daethant o hyd i 1,681 gram o gocên, cloriannau pwyso a bagiau brechdan a ddefnyddiwyd fel pecynnau cyffuriau.

Cafodd Williams ei arestio am feddu ar gyffuriau dosbarth A gyda'r bwriad o'u cyflenwi. Daeth swyddogion o hyd i ddeunyddiau pecynnu gydag olion cocên arnynt hefyd a dywedodd Williams mai rhai Hughes oedd y rhain.

Mae'r eitemau eraill a gafodd eu hatafaelu yn cynnwys:

• Ffôn symudol Samsung

• iPhone Apple

• Bagiau snap gwag

• Coffor du

• Papur £20

• Amrywiaeth o gyfarpar cyffuriau

Wrth chwilio, gwelodd arolygwyr ynni E.ON fod y mesurydd trydan yn cael ei ddargyfeirio, a oedd yn achosi risg tân. Cafodd Williams ei arestio'n ddiweddarach am ddargyfeirio trydan.

Yn dilyn datganiadau Williams am Hughes, aeth swyddogion i chwilio amdano, a gwnaethant stopio ei Renault Megane yn y pendraw. Cafodd Hughes ei chwilio, ac arweiniodd hyn at ganfod £7,000 mewn arian parod, ac o ganlyniad cafodd ei arestio am ymwneud â chyflenwi cyffuriau Dosbarth A.

Daethpwyd o hyd i ffatri canabis fach gyda 17 o blanhigion wrth chwilio cartref Hughes.

Tua 6.45pm yr un diwrnod, arestiodd swyddogion Matthew Perkins, a oedd wedi talu £25,000 i Hughes, am ymwneud â chyflenwi cyffuriau dosbarth A. Daethpwyd o hyd i swm mawr o gocên yn eiddo Perkins, yn debyg i'r hyn a atafaelwyd yn eiddo Williams.

Honnodd Perkins nad oedd yn gwybod dim amdano, a chafodd Ashley Murphy a Sara Qamber, a oedd yn bresennol yn ystod y broses arestio, eu cyhuddo hefyd.

Tystiolaeth ffôn symudol:

• Nid oedd negeseuon ar ffôn Williams yn ymwneud â chyffuriau, ond gwnaethpwyd gwaith dadansoddi pellach am fod negeseuon wedi'u dileu.

• Roedd tystiolaeth ar ffôn Hughes o drosglwyddiad ariannol diweddar gan Qamber.

• Dangosodd ffôn Murphy ei fod yn cymryd rhan weithredol mewn cyflenwi cyffuriau, gan gynnwys cynigion gwerthu.

• Roedd ffôn Qamber yn cynnwys negeseuon yn trafod trafodion cyffuriau a chysylltiadau â Hughes.

Heddiw, cafodd y pump eu dedfrydu yn Llys y Goron Merthyr Tudful i'r canlynol:

 

 

 

 

 

Mae'r ymchwiliad hwn yn dangos y rhwydwaith sylweddol sy'n ymwneud â chyflenwi cyffuriau Dosbarth A a'n hymdrechion parhaus i darfu ar y gweithgareddau hyn.