Dyn o Abertawe yn euog o lofruddio ei frawd ei hun
Cynnwys y prif erthygl
Mae dyn o Abertawe wedi'i ganfod yn euog o lofruddio ei frawd ei hun.
Daethpwyd o hyd i gorff Martin Steel, 48 oed, mewn cyfeiriad yn Hill View Crescent, y Clâs, yn fuan ar ôl 10:30am ddydd Sadwrn 20 Mai 2023.
Plediodd Darren Steel, 41 oed o Dreforys, yn ddieuog i lofruddiaeth a dynladdiad Martin ym mis Chwefror 2024, ond mae rheithgor wedi ei ganfod yn euog o lofruddiaeth heddiw.
Caiff Steel ei ddedfrydu ar Chwefror 13.
Dywedodd y Ditectif Arolygydd Stuart Prendiville:
“Mae'r ymchwiliad hwn i ddigwyddiad a wnaeth syfrdanu cymunedau'r Clâs, Treforys a chymuned ehangach Abertawe wedi bod yn hir a chymhleth. Mae'r effaith ar y teulu wedi bod yn sylweddol.
“Bradychodd Darren Steel ei frawd hŷn yn y ffordd waethaf bosibl ac achosodd ofid pellach drwy bledio'n ddieuog a gorfodi'r teulu i fynd drwy ddau achos llys.
“Rydym yn teimlo rhyddhad o glywed y canlyniad ac yn falch bod yr achos llys bellach wedi dod i ben. Rydym yn meddwl am y teulu.”