Dyn o Orseinon yn euog o lofruddio babi pum mis oed

Mae dyn o Abertawe wedi'i ganfod yn euog o lofruddio babi pum mis oed.

Roedd Thomas Morgan, 29 oed o Orseinon, wedi pledio'n ddieuog i lofruddiaeth Jensen-Lee Dougal yn ei gartref ar Players Avenue, Clydach, a ddigwyddodd tra bod mam Jensen-Lee yn y gwaith ar 31 Mawrth 2024.

Fodd bynnag, mae rheithgor wedi'i ddyfarnu'n euog o lofruddiaeth heddiw, yn ogystal ag un cyfrif o niwed corfforol difrifol.

Dywedodd y Ditectif Brif Arolygydd Lianne Rees:

“Mae'r euogfarn heddiw yn rhoi rhywfaint o gyfiawnder, ond nid yw hyn yn lleddfu'r torcalon enbyd y mae teulu Jensen-Lee yn parhau i'w ddioddef mewn unrhyw ffordd.

“Hoffwn dalu teyrnged i aelodau o'r cyhoedd, yr ymatebwyr cyntaf a phawb a fu'n rhan o'r ymdrechion taer i achub bywyd Jensen-Lee, wrth wynebu'r amgylchiadau mwyaf ofnadwy a thrasig yn ôl ym mis Mawrth 2024. Hoffwn hefyd gydnabod yr urddas a'r cryfder anhygoel a ddangoswyd gan deulu Jensen-Lee drwy gydol y daith boenus hon.

“Yn olaf, hoffwn ddiolch i'r tîm ymchwilio, Gwasanaeth Erlyn y Goron, a'r Cwnsler Erlyn am eu gwaith caled parhaus drwy gydol achos sydd wedi cynnwys ymchwiliad a threial anodd iawn.”

Bydd Morgan yn cael ei ddedfrydu ar Chwefror 25.