Dyn a ymosododd yn rhywiol ar fenyw mewn car wedi'i garcharu.

Mae George Gillett, 24 oed o Ben-y-bont ar Ogwr wedi cael ei ddedfrydu i ddwy flynedd a phum mis yn y carchar ar ôl ymddangos gerbron Llys y Goron Caerdydd, ddydd Gwener 20 Chwefror. Ar 6 Ionawr, newidiodd Gillett ei ble o ddieuog i euog o ymosod yn rhywiol ar fenyw, yn dilyn digwyddiad mewn car ym Mhen-y-bont ar Ogwr ar 13 Gorffennaf 2025.

Cafodd hefyd ei ddyfarnu'n euog o ddwy drosedd stelcio ar wahân.

Dywedodd y Ditectif Gwnstabl Evan Thomas, “Hoffwn ddiolch i'r dioddefwr am ei chryfder a'i gwydnwch drwy gydol yr ymchwiliad hwn. Mae gweithredoedd Gillett wedi cael effaith fawr iawn arni, felly rwy'n gobeithio y bydd y ddedfryd hon yn ei helpu i symud ymlaen o'i weithredoedd.

“Os ydych chi wedi dioddef trosedd rhywiol, rhowch wybod i'r heddlu. Byddwn bob amser yn cymryd eich adroddiadau o ddifrif ac rydym yn ymrwymedig i ddwyn troseddwyr fel Gillett o flaen eu gwell"