Ddim yn gwenu nawr: Deliwr cyffuriau wedi’i arestio a’i garcharu ar ôl brolio am ei ‘ddannedd newydd’

Cafodd dau ddyn o'r Rhondda eu carcharu ddydd Iau 9 Ebrill am gyflenwi cyffuriau dosbarth A a chanabis.

Cafodd Coran Davies, 23 oed o'r Porth, ei arestio ar ôl i swyddogion ddefnyddio technoleg adnabod wynebau ôl-weithredol ar lun yr oedd wedi'i anfon at ffôn ffrind a oedd yn ddeliwr cyffuriau.

Roedd y llun yn ei ddangos mewn cadair deintydd yn Nhwrci yn dilyn triniaeth i gael dannedd newydd, ac roedd negeseuon pellach yn cyfeirio at gyflenwi cocên a chanabis.

Yn ddiarwybod iddo, roedd ditectifs eisoes yn dadansoddi data ar ffôn ei ffrind, yn rhan o ymchwiliad parhaus.

Ar 25 Medi, roedd swyddogion wedi gweithredu gwarant chwilio yn Nhreherbert o dan y Ddeddf Camddefnyddio Cyffuriau, lle daethant o hyd i owns o gocên, canabis a geriach cyffuriau.

Fisoedd yn ddiweddarach, ar 7 Mawrth 2026, gwelodd swyddogion mewn dillad plaen Davies yn gyrru drwy Donypandy mewn Ford Fiesta, ac fe wnaethon nhw ei arestio.

Roedd Dale Howell, 25 oed o'r Porth, yn deithiwr yn y car. Cafodd ei arestio hefyd.

Cafodd y ddau ddyn eu chwilio a gwelwyd bod ganddynt gocên, canabis a miloedd o bunnoedd mewn arian parod yn eu meddiant.

Gwnaethant bledio'n euog i droseddau cyffuriau a chaffael eiddo troseddol, sef arian. Ymddangosodd y ddau gerbron Llys y Goron Merthyr Tudful ddydd Iau 9 Ebrill i gael eu dedfrydu.

Cafodd Coran Davies ei garcharu am 48 mis a chafodd Dale Howell ei garcharu am 36 mis.