Gwrthdrawiad angheuol ym Maesteg: dioddefwr wedi'i enwi a'i deulu wedi talu teyrnged iddo

Mae Heddlu De Cymru yn parhau i ymchwilio i wrthdrawiad traffig ffyrdd angheuol a ddigwyddodd ar y gyffordd rhwng Llynfi Road ac Upper Street, Maesteg, ddydd Sadwrn 25 Ebrill 2026 am 12:04am.

Mae teulu Brandon Tatchell, y dyn 21 oed a fu farw yn dilyn y gwrthdrawiad, wedi rhoi'r deyrnged ganlynol:

“Roedd Brandon yn fab, ŵyr, brawd, nai, cefnder a ffrind annwyl iawn i lawer.

Bydd pawb yn gweld eisiau natur gariadus a hwyliog Brandon. Mae unrhyw un oedd yn adnabod Brandon yn gwybod y byddai bob amser yn gwneud ei orau i helpu pobl oedd angen cymorth neu arweiniad ym mha bynnag ffordd y gallai.

Roedd Brandon yn ddyn ifanc gweithgar oedd yn caru ei waith, ac roedd pawb yn falch o Brandon am y ffordd y dyrchafodd yn y cwmni.

Roedd gan Brandon lawer o ffrindiau a theulu a fyddai'n dweud ei fod yn gymeriad a fyddai’n rhoi gwên ar wyneb pawb.”