Arestio dros 25 o bobl yn Abertawe a Chastell-nedd Port Talbot yn ystod diwrnod gweithredu Ymgyrch Chirk

Cafodd 27 o bobl ledled ardal Abertawe a Chastell-nedd Port Talbot eu harestio o dan Ymgyrch Chirk ar ôl i swyddogion weithio i arestio nifer o unigolion dan amheuaeth y mae'r heddlu wedi bod yn chwilio amdanynt yn ddiweddar.

Mae Ymgyrch Chirk yn cynnwys diwrnodau o weithredu pan gaiff unigolion dan amheuaeth a'r rhai sy'n destun apeliadau chwilio eu targedu er mwyn eu rhoi yn y ddalfa.

Cynhaliwyd digwyddiad diweddaraf Ymgyrch Chirk ddydd Mercher 28 Hydref. Mae’r arestiadau fel a ganlyn:

• Townhill/Gŵyr - tri arestiad
• Treforys - pum arestiad
• Y ddinas - chwe arestiad
• Gorseinon/Pen-lan - dau arestiad
• Castell-nedd - tri arestiad, gan gynnwys un unigolyn a arestiwyd gan Gwnstabliaid Gwirfoddol
• Port Talbot – dau arestiad
• Traffig – dau arestiad
• Yr Adran Ymchwiliadau Troseddol - dau arestiad
• Mewnfudo - un arestiad

Roedd y sawl a arestiwyd yn cynnwys cyflawnwyr cam-drin domestig risg uchel, pobl â gwarantau heb eu gweithredu, ac unigolion sydd wedi’u galw'n ôl i'r carchar.

Ers hynny, mae 12 o'r bobl a arestiwyd wedi cael eu cyhuddo neu eu remandio i ymddangos gerbron y llys.

Dywedodd y Dirprwy Arolygydd Martin Fox:

"Mae’r holl waith ymgysylltu sy’n rhan o Ymgyrch Chirk yn dangos ein penderfyniad i fynd ar drywydd troseddwyr a'u dwyn i gyfrif.
"Mae swyddogion a staff wedi gweithio'n ddiflino i leihau'r galw i ddod o hyd i droseddwyr sydd heb eu dal eto drwy gynnal ymchwiliadau manwl yn y ffordd fwyaf proffesiynol bosibl
"Da iawn i'r holl swyddogion a staff, a diolch i aelodau o’r cyhoedd am rannu gwybodaeth a oedd yn hanfodol wrth sicrhau'r arestiadau hyn a chadw ein cymunedau'n ddiogel."