Apêl o'r newydd am Mark Kinson, sydd ar goll

Mae heddiw yn nodi blwyddyn ers i Mark Kinson gael ei weld ddiwethaf.

Rydym yn meddwl am deulu a ffrindiau Mark, ac rydym yn apelio ar unrhyw un sydd â gwybodaeth i gysylltu â ni.

Cafodd Mark, 53 oed, ei weld ddiwethaf ddydd Gwener 31 Ionawr, 2025, am 9.45pm ar Uphill Road, Llanrhymni, Caerdydd.

Cafodd wedyn ei weld am tua 10pm yn Captains Walk yn cerdded i gyfeiriad cyffredinol Braunton Crescent.

Mae ymholiadau helaeth wedi'u cynnal er mwyn dod o hyd i Mark, ond nid oes neb wedi ei weld yn bendant ers y diwrnod hwnnw.

Dywedodd y Ditectif Arolygydd Daniel Todd, o Heddlu De Cymru:

"Er gwaethaf ymchwiliad trylwyr, yn anffodus nid oes esboniad dros ddiflaniad Mark o hyd. Rydym yn deall pa mor anodd yw hyn i anwyliaid Mark.

"Rydym ninnau, fel ei deulu, yn gobeithio y cawn atebion i'r hyn a ddigwyddodd i Mark ryw ddiwrnod. Rydym yn apelio ar unrhyw un sydd â gwybodaeth i gysylltu â ni. Byddwn bob amser yn gweithredu ar unrhyw wybodaeth newydd o bwys.”

Fel rhan o'r ymchwiliad parhaus, mae swyddogion wedi archwilio data ffôn a deunydd fideo CCTV, wedi chwilio tir agored, ardaloedd coediog, a glannau afon, wedi cynnal gwiriadau ariannol ac wedi cyhoeddi sawl apêl gan yr heddlu.

Dywedir bod Mark oddeutu 5 troedfedd, 7 modfedd o daldra ac yn gwisgo tracwisg lwyd/glas tywyll ar y diwrnod yr aeth ar goll.