Gwrthdrawiad ar ffordd osgoi A4119 Tonypandy: teyrnged i ddioddefwr 48 oed

Mae teyrnged wedi'i rhoi i ddioddefwr gwrthdrawiad traffig ffyrdd angheuol a ddigwyddodd ddydd Llun, 29 Rhagfyr yn Rhondda Cynon Taf.

Ychydig cyn 11:25am ddydd Llun, cawsom wybod am wrthdrawiad ar ffordd osgoi A4119 yn Nhrewiliam, Tonypandy, a oedd yn cynnwys gyrrwr fan a gyrrwr car.

Bu farw gyrrwr y car, sef Donna Ball, 48 oed, a oedd yn fam i bedwar, yn yr ysbyty ddydd Mawrth.Mae ei theulu yn cael cymorth gan ein Swyddogion Cyswllt â Theuluoedd.

Mae gyrrwr y fan, sy'n 19 oed ac yn byw yng Nghasnewydd, wedi cael ei arestio ar amheuaeth o achosi marwolaeth drwy yrru'n beryglus yn ogystal â dau achos o achosi anaf difrifol drwy yrru'n beryglus. Mae wedi cael ei ryddhau ar fechnïaeth wrth i ni wneud ymholiadau pellach tan 30 Mawrth.

Mae gŵr Donna wedi rhyddhau'r deyrnged ganlynol:

“Rydym fel teulu wedi ein llorio gan farwolaeth sydyn, drasig a diangen ein Donna annwyl.
“Hoffem achub ar y cyfle hwn i fynegi ein gwerthfawrogiad diffuant i'r holl wasanaethau brys a ymatebodd, gan gynnwys yr ambiwlans awyr, a thimau'r adran Damweiniau ac Achosion Brys a gofal critigol yn Ysbyty Athrofaol Cymru.
“Hefyd, ni allaf ddiolch digon i staff a meddygon Ward Gwdihw ac Ysbyty Arch Noa i Blant Cymru am ofalu am ein merch.
“Mae marwolaeth Donna wedi gadael bwlch enfawr na ellir fyth ei lenwi. Mae ein hen fywydau wedi dod i ben; mae ein bywydau hebddi yn dechrau nawr. Rydym wedi ein llethu gan y negeseuon o gariad a chydymdeimlad rydym wedi'u cael.
“Rydym yn cael cysur o'r parch mawr a oedd gan lawer tuag ati. Gorffwys mewn hedd, fy nghariad, nes y byddaf yn dy weld eto.”

Rydym yn apelio ar unrhyw un a welodd y gwrthdrawiad neu unrhyw un sydd â deunydd camera dashfwrdd o'r digwyddiad i gysylltu â ni. At hynny, byddem yn gwerthfawrogi unrhyw wybodaeth am ymddygiad gyrru gyrrwr y fan yn ystod y cyfnod cyn y gwrthdrawiad.

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu 2500409628:

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• 101 neu Crimestoppers yn ddienw ar 0800 555 111

Ffoniwch 999 bob amser mewn argyfwng.

Gellir rhoi gwybodaeth hefyd yn ddienw ar Crimestoppers ar 0800 555 111, neu drwy'r ffurflen ar-lein ar https://crimestoppers-uk.org/give-information