Carchar i siopleidr o Abertawe ar ôl iddo dargedu siopau ar draws y ddinas

Mae siopleidr mynych o Abertawe wedi cael ei garcharu ar ôl targedu nifer o fusnesau yn yr ardal leol.

Aeth Richard Wolsey, 47 oed, heb gartref sefydlog, i mewn i nifer o archfarchnadoedd a siopau ledled ardaloedd Cadle, Portmead, Fforestfach, Pen-lan a chanol y ddinas, gan adael y siopau gydag eitemau gwerth cymaint â £657 mewn un achos.

Plediodd Wolsey yn euog i chwe chyhuddiad o ddwyn o siop yn Llys Ynadon Abertawe ar 11 Mai ac mae wedi cael ei ddedfrydu i wyth mis yn y carchar.

Dywedodd Cwnstabl yr Heddlu Christian Thomas:

“Mae Richard Wolsey yn droseddwr mynych nad yw e erioed wedi dangos unrhyw arwyddion ei fod yn ceisio newid ei ffyrdd.

“Ni ddylai gweithwyr siop orfod delio â lladron sy'n targedu eu busnesau. Ond nid yw Richard Wolsey yn poeni dim am y rhai y mae'n gwneud eu bywydau'n anoddach drwy ddwyn o’u siopau.

“Rydym yn benderfynol o fynd ar ôl unrhyw un sy'n ymwneud ag achosion o siopladrata, yn enwedig troseddwyr mynych fel Richard Wolsey, a sicrhau eu bod yn cael eu hanfon i'r carchar.”