Carcharu dyn o Gastell-nedd am gyflenwi cocên
Cynnwys y prif erthygl
Mae dyn o Gastell-nedd Port Talbot wedi cael ei garcharu am ymwneud â chyflenwi cyffuriau Dosbarth A.
Cafodd Chad White, 34 oed o Gastell-nedd, ei arestio ym mis Mawrth eleni. Wrth chwilio ei gyfeiriad, daeth swyddogion o hyd i symiau o bowdr gwyn y darganfuwyd yn ddiweddarach ei fod yn gocên, ynghyd ag arian parod, bagiau snap a chlorian.
Plediodd White yn euog i un cyhuddiad o fod â chyffur rheoledig o ddosbarth A yn ei feddiant gyda’r bwriad o'i gyflenwi, un cyhuddiad o ymwneud â chyflenwi cyffuriau Dosbarth A ac un cyhuddiad o gaffael a defnyddio eiddo troseddol.
Mae White wedi cael ei ddedfrydu i dair blynedd yn y carchar.
Dywedodd Cwnstabl yr Heddlu Andy Hall:
“Mae Chad White yn ddeliwr cyffuriau arall a gafodd ei ddarganfod yn rhan o'n hymchwiliadau i gyflenwi cyffuriau yn ardaloedd Castell-nedd Port Talbot ac Abertawe.
“Fel llawer o bobl eraill o'i flaen, bydd yn wynebu dedfryd hir o garchar am fod yn rhan o’r fasnach anghyfreithlon hon.
“Mae cyffuriau Dosbarth A yn bla sy’n niweidio’r bobl sy'n eu defnyddio yn ogystal â'u ffrindiau, eu teuluoedd a’r gymuned yn ehangach. Byddwn yn mynd ar ôl y rhai sy'n cymryd rhan yn y gweithgarwch anghyfreithlon hwn a'u dwyn o flaen eu gwell."