Apêl yn dilyn gwrthdrawiad traffig ffyrdd angheuol - teulu'n talu teyrnged

Mae Heddlu De Cymru yn parhau i ymchwilio i wrthdrawiad traffig ffyrdd angheuol a ddigwyddodd ar Wick Road B4265 ddydd Gwener 22 Mai 2026 am 3pm.
Roedd y gwrthdrawiad rhwng beic modur Suzuki a Toyota Yaris coch.
Er gwaethaf ymdrechion y gwasanaethau brys, bu farw dyn 37 oed yn y fan a'r lle. Gallwn gadarnhau mai Robert Curl yw ei enw, o Ben-y-bont ar Ogwr.
Mae aelodau teulu Robert yn cael eu cefnogi gan swyddogion arbenigol ar hyn o bryd. Maen nhw wedi talu'r deyrnged ganlynol iddo:
“Mae colli Robert wedi ein llorio fel teulu. Roedd yn fab, brawd, tad annwyl, partner cariadus, ewythr, ŵyr, nai, a ffrind i lawer. Gwnaeth e gyffwrdd â bywydau cymaint o bobl, a bydd yn cael ei garu a'i golli bob amser.”
Mae gyrrwr y Toyota Yaris yn helpu swyddogion gyda'u hymholiadau.
Mae'r heddlu yn apelio ar unrhyw un a welodd y gwrthdrawiad neu'r ffordd yr oedd y ddau gerbyd yn cael eu gyrru cyn y gwrthdrawiad i gysylltu. Anogir pobl i edrych ar luniau teledu cylch cyfyng neu gamera cerbyd a allai fod yn berthnasol hefyd.
Anogir unrhyw un sydd â gwybodaeth i gysylltu â Heddlu De Cymru - dyfynnwch y cyfeirnod 2600159686.
Ar-lein: https://www.south-wales.police.uk/cy-GB/
Ffôn: 101