Carcharu dyn o Ferthyr am ddelio crac cocên

Mae dyn wedi cael ei garcharu ar ôl i swyddogion ddarganfod ei fod yn ymwneud â chyflenwi cocên.

Cafodd Leon Jones, 24 oed o Ferthyr, ei ddedfrydu i ddwy flynedd a chwe mis yn y carchar ar ôl iddo gael ei euogfarnu.

Cafodd Jones ei ddedfrydu yn Llys y Goron Caerdydd ddydd Gwener 15 Mai, lle plediodd yn euog i un cyhuddiad o ymwneud â chyflenwi cocên ac un cyhuddiad o fod â chrac cocên yn ei feddiant gyda'r bwriad o'i gyflenwi.

Mae'r achos yn deillio o ymchwiliad gan Heddlu De Cymru i linell gyffuriau a oedd yn gweithredu yn ardal Morgannwg Ganol. Ar ôl i swyddogion adnabod rhif yr oeddent yn gwybod ei fod yn gysylltiedig ag un o’r llinellau cyffuriau hyn, llwyddwyd i gysylltu’r rhif â Jones.

Aeth Jones i orsaf heddlu Merthyr o'i wirfodd ym mis Rhagfyr 2025. Pan gafodd cynnwys ei ffôn symudol ei lawrlwytho, gwelwyd negeseuon a oedd yn dangos yn glir bod y ffôn yn gysylltiedig â chyflenwad crac cocên. Cafodd y ffôn ei gysylltu â chyfeiriad yn Nowlais hefyd. Pan aeth swyddogion i’r cyfeiriad, daethant o hyd i grac cocên yn ogystal â geriach cyflenwi cyffuriau arall.

Dywedodd y Ditectif Ringyll Lia Jones, “Mae'r cyffuriau anghyfreithlon hyn yn arwain at ganlyniadau dinistriol i’r bobl ymhellach i lawr y gadwyn sy'n eu defnyddio, heb sôn am eu teuluoedd, eu ffrindiau a'r gymuned yn ehangach.”

“Byddwn yn parhau i ymchwilio i unrhyw wybodaeth sydd gennych am werthu neu ddefnyddio'r cyffuriau hyn, a byddwn yn mynd i’r afael â llinellau cyffuriau sy’n gweithredu ar draws yr ardal.”