Rhagor o e-feiciau anghyfreithlon yn cael eu cymryd oddi ar y ffyrdd diolch i ymgyrch ar y cyd arall â Chyngor Caerdydd

Mae 21 o e-feiciau ac e-sgwteri anghyfreithlon wedi cael eu cymryd oddi ar y ffyrdd diolch i ymgyrch ar y cyd â Chyngor Caerdydd.

Mae hyn yn golygu bod mwy na 633 o gerbydau anghyfreithlon wedi cael eu hatafaelu a'u hailgylchu ers mis Awst.

Gweithiodd swyddogion a staff y cyngor â'i gilydd ddydd Sul (17 Mai) i barhau i fynd i'r afael â phryderon y gymuned am gerbydau wedi'u gyrru'n fecanyddol (MPVs), y cyfeirir atynt hefyd fel e-feiciau ac e-sgwteri anghyfreithlon.

Bu'r tîm yn canolbwyntio ar City Road, Heol Albany, Llanrhymni, Trowbridge, Llanedern a Phentwyn.

Dywedodd yr Arolygydd Tim Ursell o Heddlu De Cymru:

“Mae defnyddio e-feiciau ac e-sgwteri yn anghyfreithlon ac yn peri risg ddifrifol i gerddwyr a defnyddwyr y ffordd.

“Mae'r effaith y mae reidwyr e-feiciau gwrthgymdeithasol yn ei chael ar gymunedau yn cael ei chodi fel pryder yn aml.

“Rydym yn annog y cyhoedd i ddeall y gyfraith a gwneud dewisiadau diogel a chyfreithlon.”

Cyngor ar ddefnyddio e-sgwter | Heddlu De Cymru