Ditectifs sy'n ymchwilio i lofruddiaeth David Rogers yn apelio ar ddyn oedd yn loncian yn yr ardal a phobl mewn tafarn leol

Mae ditectifs sy'n ymchwilio i lofruddiaeth David Rogers ym Mhencoed ar 28 Chwefror 2026 yn apelio'n uniongyrchol ar ddyn gafodd ei weld yn loncian ar hyd Heol Felindre ychydig cyn 1am y diwrnod hwnnw.

Maen nhw'n credu iddo redeg heibio i'r lleoliad lle y cyflawnwyd y drosedd ychydig cyn y digwyddiad ac yn meddwl y gallai gynorthwyo eu hymchwiliad. Gofynnir iddo fe, ac unrhyw un arall sy'n ei adnabod, gysylltu â'r heddlu.

Mae swyddogion hefyd yn awyddus i siarad ag unrhyw un oedd yn nhafarn Chatterton Arms rhwng 7:30pm a 11:30pm ar 27 Chwefror, neu Glwb Rygbi Pencoed rhwng 11:40pm ar 27 Chwefror a 00:30am ar 28 Chwefror.

Dylai unrhyw un sydd â gwybodaeth gysylltu â'r heddlu ar 101, gan ddyfynnu'r cyfeirnod 2600063517, neu gyflwyno gwybodaeth drwy Borth Cyhoeddus Digwyddiadau Mawr yr heddlu - https://mipp.police.uk/operation/62SWP26C30-PO1.

Bu farw David Rogers yn yr ysbyty ar 2 Mawrth, wythnos ar ôl y digwyddiad.

Cafodd Liam Walters, 26 oed o Bencoed, ei gyhuddo o lofruddiaeth David Rogers ac mae wedi cael ei remandio i’r ddalfa.