Dyn o Abertawe wedi'i garcharu am dair blynedd am gyflenwi cocên

Mae dyn o Abertawe wedi cael ei ddedfrydu i dair blynedd yn y carchar ar ôl pledio'n euog i ymwneud â chyflenwi cocên.

Canfuwyd bod gan Keith Storer, 51 oed o Gasllwchwr, sylwedd Dosbarth A yn ei feddiant wrth i swyddogion chwilio cyfeiriad ar ôl derbyn adroddiad am fater nad oedd yn gysylltiedig. Yn ystod y chwiliad, daeth swyddogion o hyd i geriach a oedd yn dangos bod y preswylydd yn ymwneud â chyflenwi canabis.

Ar ôl gwadu ei fod yn ymwneud â'r troseddau i ddechrau, plediodd Storer yn euog i ymwneud â chyflenwi cocên, ymwneud â chyflenwi canabis a bod â chocên yn ei feddiant yn Llys y Goron Abertawe ym mis Ebrill.

Cafodd ei ddedfrydu i dair blynedd yn y carchar yr wythnos hon.

Dywedodd y Ditectif Arolygydd Richard George:

“Canfu ein hymchwiliad fod Keith Storer, mewn gwirionedd, yn rhan fawr o weithgarwch cyflenwi cyffuriau Dosbarth A, a'i fod wedi gwneud popeth o fewn ei allu i osgoi'r broses farnwrol.

“Yn haeddiannol iawn, mae hyn wedi dal i fyny gyda fe. Bydd delwyr cyffuriau Dosbarth A fel Keith Storer bob amser yn cael eu hanfon i'r carchar.”