Carcharu dyn o Fforestfach am ladrad dan fygythiad cyllell
Cynnwys y prif erthygl
Mae dyn o Abertawe wedi cael ei garcharu ar ôl pledio'n euog i ladrad.
Aeth Shane Burne, 34 oed, o Fforestfach, i mewn i nifer o fusnesau yn Abertawe, gan gynnwys siopau cornel, wedi'i arfogi â chyllell cyn bygwth staff a mynd ag eitemau heb dalu.
Digwyddodd ei droseddau ym Manselton, Brynhyfryd a Waunarlwydd ym mis Awst a mis Medi eleni.
Plediodd Burne yn euog i bedwar cyhuddiad o ladrata ac un cyfrif o ymgais i ladrata ar 9 Hydref.
Mae bellach wedi cael ei ddedfrydu i naw mlynedd yn y carchar.
Dywedodd y Ditectif Arolygydd Thomas Richardson:
"Bwriad Shane Burne oedd targedu siopau cyfleustra lleol lle roedd staff yn gweithio ar eu pennau eu hunain, ac fe fanteisiodd ar hynny.
"Wrth wisgo masg wyneb, fe wnaeth fygwth y dioddefwyr â chyllell, a fydd wedi achosi llawer o ofn iddyn nhw yn ddi-os.
"Mae hyd yn oed un drosedd sy'n ymwneud â chyllyll yn ormod, felly mae mynd i'r afael â'r niwed a achosir gan droseddau o'r fath yn flaenoriaeth lwyr i Heddlu De Cymru.
"Mae'n braf gweld Shane Burne yn cael dedfryd drom fel cosb."