Carcharu dyn o’r Barri am gyflawni cyfres o droseddau ar draws y dref

Cafodd Daniel Franks ei arestio am nifer o droseddau gan gynnwys dwyn o siopau a throseddau ceir.

Roedd ganddo gyffuriau a chyllell yn ei feddiant pan gafodd ei arestio gan swyddogion o Dîm Plismona Cymdogaeth y Barri yn Heol Holton ar 27 Hydref.

Ymddangosodd Franks, 36 oed, gerbron Llys Ynadon Caerdydd y diwrnod canlynol.

Plediodd yn euog i ddwyn o siopau Boots a One Stop, bod â chanabis a chocên yn ei feddiant, dau gyhuddiad o ymyrryd â cherbyd, dwyn o gerbyd, a bod â chyllell yn ei feddiant mewn man cyhoeddus.

Cafodd ei ddedfrydu i 64 wythnos yn y carchar ar 28 Hydref 2026.

Dywedodd Cwnstabl yr Heddlu Patryk Juraszek o Dîm Plismona Cymdogaeth y Barri: "Achosodd Daniel Franks ofid sylweddol i’r gweithwyr yn y siopau a pherchnogion y cerbydau a dargedodd yn ystod oriau mân y bore.

“Gobeithio eu bod yn dawel eu meddyliau ein bod wedi cymryd camau cadarnhaol yn gyflym i ddwyn yr unigolyn hwn gerbron y llysoedd, lle mae wedi cael ei ddwyn i gyfrif bellach.”