Cyncoed

Diogelwch ar y Ffyrdd

Mae'r gweithredoedd a gymerwyd yn cael eu diweddaru bob tri mis.

Diogelwch ar y Ffyrdd

Mae Ymgyrch Atal wedi cael ei chynnal yn ardal Cyncoed gyda chymorth GanBwyll a Gwasanaeth Tân ac Achub De Cymru. Bu’r timau yn gweithio gyda'i gilydd i fonitro cerbydau a stopio’r rhai oedd yn gyrru dros y terfyn cyflymder, peidio â gwisgo gwregys diogelwch a chyflawni troseddau traffig eraill.

Cafodd 419 o geir eu monitro
Rhoddwyd cyngor ar oryrru i 52 o bobl
Rhoddwyd cyngor ar wisgo gwregys diogelwch i 4 unigolyn
Cafodd 1 person ddirwy am oryrru

Mae ymgysylltu yn chwarae rhan hanfodol mewn diogelwch ar y ffyrdd. Cafodd y gyrwyr dan sylw ddewis - mynd i sesiwn addysgol gyda'r Gwasanaeth Tân ac Achub ar unwaith, neu dderbyn cosb benodedig. Dirwy o £100 i'w thalu yn y fan a'r lle yw'r gosb ar hyn o bryd ar gyfer trosedd gwregys diogelwch, neu £100 a 3 phwynt ar eich trwydded am oryrru.

Troseddau'n ymwneud â cherbydau

Ymddygiad Gwrthgymdeithasol - Parc y Rhath

Ymddygiad Gwrthgymdeithasol - Campws Cyncoed

Rydym wedi cynnal patrolau amlwg iawn mewn ardaloedd a nodwyd ac wedi gweithio â Phrifysgol Met Caerdydd i fynd i'r afael â phroblemau ymddygiad gwrthgymdeithasol.

Cafodd delweddau o gamerâu CCTV eu rhannu ag ysgolion lleol, a oedd yn allweddol wrth adnabod nifer o bobl ifanc, gyda rhai ohonynt yn achosi problemau ar y safle dro ar ôl tro. I'r rheini a gafodd eu hadnabod, mae atgyfeiriadau ymddygiad gwrthgymdeithasol wedi cael eu cyflwyno a llythyrau rhybudd wedi cael eu dosbarthu.

Mae'r Brifysgol hefyd wedi cwblhau rhaglen i wella mesurau diogelwch.

Yn ystod gwyliau haf ysgolion cynhaliodd y Brifysgol raglen Cynhwysiant mewn Chwaraeon i Bobl Ifanc; aeth y Brifysgol at ysgolion yn y gymuned leol i gynnig y rhaglen hon i'w myfyrwyr, ar yr amod bod y myfyrwyr yn parchu'r safle a'r staff; mae hyn wedi helpu i feithrin a gwella cydberthnasau â phobl ifanc.

Ar y cyfan, mae'r dull cydweithredol hwn wedi bod yn llwyddiannus, gyda gostyngiad mewn ymddygiad gwrthgymdeithasol ar y safle.

Ymddygiad Gwrthgymdeithasol - Parc y Rhath

Rydym wedi cynnal patrolau amlwg iawn mewn ardaloedd a nodwyd.

Rydym wedi cynnal ymarfer 'stopio a chwilio' ar nifer o bobl, ymdriniwyd â rhai ohonynt am fod â chanabis yn eu meddiant. Mae nifer o bobl eraill wedi cael eu hadnabod drwy CCTV ac wedi derbyn llythyrau rhybudd yn ddiweddarach drwy'r broses ymddygiad gwrthgymdeithasol.

Roedd adroddiadau am berson digartref yn achosi problemau ymddygiad gwrthgymdeithasol yn ardal y parc, a chafodd ei adnabod ac ymdriniwyd ag ef yn ddiweddarach drwy'r broses ymddygiad gwrthgymdeithasol. Cafodd y person hwn hefyd ei atgyfeirio i gael cymorth.

Troseddau'n ymwneud â cherbydau

Rydym wedi cynnal patrolau amlwg iawn mewn ardaloedd a nodwyd a chefnogi digwyddiadau cymunedol i hybu diogelwch a rhoi gwybod am broblemau.

Rydym wedi cynnal trafodaeth atal troseddau a sesiwn holi ac ateb am nifer o fathau o droseddau, gan gynnwys troseddau'n ymwneud â cherbydau yn Eglwys Park End, a chafwyd presenoldeb ac ymateb da yn y digwyddiad hwn.

Mae'r duedd gyffredinol o droseddau'n ymwneud â cherbydau ar draws y ward wedi gostwng.