Tredelerch

Troseddau cerbydau

Mae'r gweithredoedd a gymerwyd yn cael eu diweddaru bob tri mis.

Cyffuriau a phroblemau ymddygiad gwrthgymdeithasol cysylltiedig

Er ein bod yn cydnabod bod problemau mewn rhai ardaloedd o hyd, mae nifer y problemau wedi dechrau gostwng. Yn rhan o'n patrolau dyddiol parhaus, byddwn yn parhau i fonitro unrhyw weithgarwch amheus ac annog pobl i roi gwybod amdano.

Troseddau Cerbydau

Cynhaliwyd patrolau rhagweithiol yn yr ardal. Mae 2 unigolyn wedi cael eu harestio mewn cysylltiad â cherbydau a gafodd eu dwyn o ardal Tredelerch.

Goryrru

Mae Ymgyrch Atal wedi cael ei chynnal yn ardal Tredelerch gyda chymorth GanBwyll a Gwasanaeth Tân ac Achub De Cymru - Gweithiodd y timau gyda'i gilydd i fonitro cerbydau a stopio unigolion a oedd yn gyrru dros y terfyn cyflymder, peidio â gwisgo gwregys diogelwch a chyflawni unrhyw droseddau traffig eraill.

Cafodd 667 o geir eu monitro
Rhoddwyd cyngor ar oryrru i 41 o bobl
Rhoddwyd cyngor ar wisgo gwregys diogelwch i 6 unigolyn
Cafodd 1 person ddirwy am oryrru
Codwyd gwŷs ar 1 person am yrru heb drwydded

Mae ymgysylltu yn chwarae rhan hanfodol mewn diogelwch ar y ffyrdd. Cafodd y gyrwyr dan sylw ddewis - mynd i sesiwn addysgol gyda'r Gwasanaeth Tân ac Achub ar unwaith, neu dderbyn cosb benodedig. Dirwy o £100 i'w thalu yn y fan a'r lle yw'r gosb ar hyn o bryd ar gyfer trosedd gwregys diogelwch, neu £100 a 3 phwynt ar eich trwydded am oryrru.

Cyffuriau a phroblemau ymddygiad gwrthgymdeithasol cysylltiedig

Mae patrolau yn cael eu cynnal o hyd yn rhan o Ymgyrch Tellima, ac mae swyddogion lleol yn ymgysylltu â phobl ifanc yn yr ardal drwy ddarpariaethau ieuenctid.

Beiciau modur oddi ar y ffordd a delio mewn cyffuriau

Rydym wedi patrolio mannau problemus ac wedi cynnal ymgyrchoedd i dargedu troseddwyr.

Pryderon parcio a ffyrdd a goryrru

Rydym wedi cyhoeddi hysbysiadau Adran 59 a rhybuddion atafaelu ar gyfer cerbydau a patrolio gyda gynnau cyflymder er mwyn monitro cyflymderau traffig. Yn dilyn ymarfer mesur cyflymder, rydym wedi llwyddo i rannu lleoliadau sy'n destun pryder gyda phartneriaid Gan Bwyll er mwyn iddynt ddechrau defnyddio camerâu cyflymder symudol.

Troseddau'n ymwneud â cherbydau - Dwyn ceir/o geir

Mae Tîm Plismona Cymdogaeth Tredelerch wedi parhau i roi ein cynllun gweithredu troseddau cerbydau ar waith wrth ymateb i unrhyw droseddau cerbydau i sicrhau bod pob llwybr ymholi’n cael ei ddilyn a bod camau cadarnhaol yn cael eu cymryd yn erbyn unrhyw droseddwyr sy’n cael eu hadnabod.