Carcharu dyn o Abertawe am ymosod ar ei gyn-bartner a'i stelcio

Mae dyn o Abertawe wedi cael ei garcharu ar ôl stelcio ei gyn-bartner ac ymosod arni.

Ymosododd Saman Ismail, 20 oed o Sandfields, ar ei gyn-bartner yn dilyn eu perthynas ar ôl iddo gymryd ei ffôn a darllen ei negeseuon. Roedd yr ymosodiad hir yn cynnwys taro'r dioddefwr a tharo â'i phen sawl gwaith, ynghyd â thynnu ei gwallt ac arllwys dŵr drosti. Hefyd, ciciodd y dioddefwr yn ei brest.

Yn dilyn hyn, dechreuodd Ismail stelcio'r dioddefwr, roedd yn ei dilyn, yn mynd i'w gweithle, yn ei ffonio'n gyson ac yn creu cyfrifon ffug ar y cyfryngau cymdeithasol er mwyn cysylltu â hi.

Arweiniodd ymosodiadau Ismail at y dioddefwr yn cael llygad du a nifer o gleisiau ar ei hwyneb a'i chorff.

Ym mis Ionawr y llynedd, plediodd Ismail yn ddieuog i ymosod gan achosi niwed corfforol gwirioneddol a stelcio gan gynnwys achosi braw a gofid. Ym mis Hydref, fe'i cafwyd yn euog o'r ddwy drosedd yn dilyn treial.

Hefyd, cafodd ei ganfod yn euog o Adran 18 clwyfo'n fwriadol ar ôl ymosod ar ddyn a oedd, yn ei dyb ef, mewn perthynas ramantus â'i gyn-bartner ar Wind Street ym mis Medi 2024.

Mae Ismail wedi cael ei ddedfrydu i gyfanswm o chwe blynedd mewn sefydliad i droseddwyr ifanc.

Dywedodd Cwnstabl yr Heddlu Abbie Coles:

“Mae Saman Ismail yn ddyn treisgar a gynflawnodd ymgyrch ffiaidd o drais, stelcio a bygwth yn erbyn ei gyn-bartner.

“Gwnaeth hyn fywyd y dioddefwr yn uffern a byddai wedi teimlo nad oedd yn gallu dianc rhagddo. Nid oedd y trais hwn yn gyfyngedig iddi hi chwaith – fel y dangosodd Ismail pan ymosododd ar rywun a oedd, yn ei dyb ef, mewn perthynas â hi.

“Mae'n genfigennus ac yn beryglus iawn, ac roedd yn debygol iawn y byddai wedi parhau i droseddu cyn cael ei ddal gan swyddogion. Mae'n dda gweld ei fod wedi cael y ddedfryd hon.”

Nid ydym byth yn diystyru pa mor anodd yw hi i oroeswyr trais domestig siarad yn agored a rhoi gwybod am ddigwyddiadau o'r fath. Gall trais domestig effeithio ar unrhyw un ni waeth beth fo'u hethnigrwydd, oed, rhywedd, rhywioldeb, neu gefndir cymdeithasol.

Os ydych chi'n cael eich cam-drin yn gorfforol, yn rhywiol, yn seicolegol neu'n ariannol, neu'n cael eich bygwth neu eich stelcio gan bartner presennol neu gyn-bartner, neu aelod agos o'r teulu, mae'n debygol eich bod yn dioddef cam-drin domestig. Nid chi sydd ar fai am yr hyn sy'n digwydd. Dydych chi ddim ar eich pen eich hun.

Gallwch roi gwybod i ni am gam-drin domestig ar-lein, ffonio 101, neu os bydd trosedd yn mynd rhagddi neu os bydd rhywun mewn perygl uniongyrchol, ffoniwch 999. Gallwch hefyd roi gwybod i Crimestoppers yn ddienw ar 0800 555 111

I gael rhagor o wybodaeth am arwyddion cam-drin domestig, ewch i Beth yw cam-drin domestig? | Heddlu De Cymru. Dewch o hyd i ddolenni i gymorth lleol yn eich ardal yma Sefydliadau cymorth ar gyfer dioddefwyr cam-drin domestig | Heddlu De Cymru